Biz ýakynlaşmagy ugur edinýäris

Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdebiniň 3-nji synyp okuwçysy, ýaş türkmen pianinoçysy Akmelek Nuryýewa, “Gyş ertekisi” atly X halkara çagalar bäsleşiginde üstünlikli çykyş etdi. Bäsleşik, Russiýanyň Moskwa şäherinden “Zehinleriň mozaikasy” atly çagalaryň Döredijilikli ösüş merkezi tarapyndan gurnaldy. Bu barada Türkmenistanyň HHM habar berdi.

Akmelek Nuryýewa 7-8 ýaş derejesindäki toparda “Fortepiano solo” görnüşinde bäsleşdi. Onuň ýerine ýetirmeginde iki eser ýaňlandy: Iogann Sebastýan Bahyň “Kiçijik prelude” (“Prelude in C minor”) we polýak kompozitory Genrik Pahulskiniň “Arzuwlar” pýesasy.

Akmelek Nuryýewanyň çykyşy görnükli rus mugallymlaryny öz içine alýan abraýly eminler tarapyndan ýokary baha berildi. Akmelek Nuryýewa iki baýraga mynasyp görüldi: G.Pahulskiniň “Arzuwlar” pýesasyny ýerine ýetirenligi üçin II derejeli diploma we I.S.Bahyň “Kiçijik prelude” çykyşy üçin III derejeli diploma eýe boldy.

Mundan başga-da, emin agzalary Akmelek Nuryýewanyň mugallymy Ida Grigorýewna Osipowanyň pedagogiki ussatlygy, çagalaryň we ýaşlaryň döredijiliginiň ösmegine goşan goşandy we “Gyş ertekisi” atly X halkara çagalar bäsleşiginde baýrakly ornuň eýesi Akmelek Nuryýewanyň taýýarlygy üçin minnetdarlyk hatyny gowşurdy.

ORIENT news

Foto: turkmenistaninfo.gov.tm