Biz ýakynlaşmagy ugur edinýäris

Aşgabat, 5-nji oktýabr | ORIENT. Haçan-da iki dünýä sungatda duşuşanda, wakadan has uly zatlar – doly hormat we açyk dialog döreýär. Aşgabatda Koreýanyň Medeniýet hepdeligi paýtagtyň ýaşaýjylaryna diňe bir dürli öwüşgünli wakany sowgat bermän, eýsem Aziýanyň iň joşgunly we gadymy medeniýetleriniň biri barada has çuňňur düşünmäge mümkinçilik berýän şeýle dialoga öwrüldi. Biziň fotareportažym – bu dialogy suratlandyrmaga synanyşykdyr.

Koreý medeniýeti müňýyllyklaryň däplerini ajaýyp häzirki zaman ösüşi bilen yzygiderli sazlaşdyrýar. “Arkaç” söwda-dynç alyş merkezinde geçirilen ussatlyk sapaklarynda myhmanlar bu medeni çuňluk bilen tanyşmaga mümkinçilik aldylar: koreý kalligrafiýasynyň akym setirlerinden, her iýeroglif – bu filosofiýa we hanbok estetikasy arkaly – milli lybaslar.

Hanbok, arassa çyzgylary, parlak, emma şol bir wagtyň özünde takyk reňkleri bilen, Koreýanyň dünýäniň ruhuna hödürleýän gözelligi we sazlaşygynyň aýdyň nyşanyna öwrüldi. Bu medeniýetde, erkinlik islegi we täzelikleri arzuw etmek bilen bir hatarda, ýaşululara hormat goýulmagy we tebigata ynanmak bir-birinden aýrylp bolmajak ýagdaýda baglanyşyklydyr.

Magtymguly adyndaky milli sazly drama teatryndaky konsert Hepdäniň esasy pursady boldy.

Koreýaly opera ýyldyzlary – tenor Kwon Hwapenanyň we mezzo-soprano Kwon Mijiniň maestro Resul Gylyjowyň ýolbaşçylygyndaky Türkmenistanyň Döwlet simfoniki orkestri bilen bilelikde ýerine ýetiren çykyşlary janly dialogy aýdym-saz görnüşine öwürdi.

Koreýaly artistler diňe bir nusgawy sazy ýerine ýetirmek bilen çäklenmän, eýsem aýdymyň üsti bilen beýan edilen öz kalbynyň we taryhynyň bir bölegini türkmen tomaşaçylary bilen paýlaşdylar.

Hepdäniň dowamynda aýdyň ýüze çykan medeni dialog, Türkmenistan bilen Koreýa Respublikasynyň arasyndaky ösdürilýän berk hyzmatdaşlygyň diňe bir tarapy boldy.

Koreýa Respublikasynyň Türkmenistandaky Ilçihanasynyň işleri wagtlaýyn ynanylan wekili jenap Kim Jun Çol ORIENT bilen bolan söhbetdeşliginde belleýşi ýaly, iki ýurduň arasyndaky gatnaşyklarynyň köp ugurlar boýunça üstünlikli ösdürilýär:

“Koreýa, Döwletmämmet Azady adyndaky Türkmen milli dünýä dilleri institutynda, Türkmen döwlet uniwersitetinde, 88-nji orta mekdebinde, Patyşa Sejong adyndaky koreý dilini öwredýän okuw merkezinde ýaşlara koreý dili boýunça bilim bermegi goldaýar, şeýle hem medeniýet, sport, taekwondo we ýaýdan ok atmak ýaly ugurlarynyň ösdürilmegine goşant goşýar.

Işjeň medeni gatnaşyklar (şol sanda her ýylda geçirilýän Koreýanyň Medeniýet hepdeligi arkaly) iri ykdysady we infrastruktura taslamalarynyň üstünlikli ösdürilmeginiň binýadyny goýýar.

Şu ýyl koreý kompaniýalary Türkmenabatda mineral dökün öňdürýän zawodynyň gurluşygyna başlar we Türkmenbaşydaky “Balkan” gämi gurluşyk zawodynda köp maksatly ýük gämisiniň gurluşygyny tamamlamagy meýilleşdirýär. Ýurtlarymyzyň arasyndaky hyzmatdaşlygyň dowam etdiriljekdigine we giňeldiljekdigine ynanýarys”.

Aşgabatda geçirilen Koreýanyň Medeniýet hepdeligi birek-biregiň däp-dessurlaryna hakyky gyzyklanmanyň bardygyny ýene bir gezek tassyklady – bu gülläp ösmek we özara düşünişmek üçin iň ygtybarly ýol. Medeniýet gapylary açýar, birek-birege hormat goýmak bolsa hyzmatdaşlygy durnuklaşdyrýar.

Foto: orient.tm