Biz ýakynlaşmagy ugur edinýäris

3-nji oktýabrda Birleşen Arap Emirlikleriniň Şarja şäherinde dürli parfýumeriýa we atyrlar görnüşlerine bagyşlanan halkara sergisi geçirildi. Bu çärä Türkmenistanyň wekiliýeti hem gatnaşdy.

Türkmenistana bu sergide ýurdumyzyň Söwda-senagat edarasy, Senagatçylar we telekeçiler birleşmesi, şeýle hem beýleki resmi wekiller wekilçilik etdi. Türkmen wekiliýeti üçin bu sergi hyzmatdaşlygyň täze ugurlaryny öwrenmek, şeýle-de pudagyň öňdebaryjy öndürijileri we hünärmenleri bilen tejribe alyşmak üçin mümkinçilik boldy.

Şarja Söwda-senagat edarasy we ýerli “Ekspomerkez” tarapyndan guralan çäre arap parfýumeriýasynyň dürli görnüşlerini we özboluşlylygyny görkezdi. Türkmen wekiliýeti täze hoşboý yslary, häzirki zaman tendensiýalary, öňdebaryjy öndürijileriň önümleri bilen tanyşdy we geljekde iş gatnaşyklaryny ýola goýmaga mümkinçilik aldy.

Sergi tutuş sebitiň ýurtlaryndan gelen öndürijileri, hünärmenleri we myhmanlary özüne çekdi. Sergi meýdançasynda täze ysly atyr görnüşleriniň tanyşdyrylyşy, ussatlyk sapaklary, ys synaglary hem-de pudagyň wekilleriniň arasynda iş duşuşyklary geçirildi.

Foto: cci.gov.tm