Türkmenistanyň Daşary işler ministrliginde Fransiýa Respublikasynyň senatory bilen duşuşyk geçirildi
26.06.2025 | 10:57 |
2025-nji ýylyň 25-nji iýunynda Türkmenistanyň Daşary işler ministrliginde Türkmenistanyň Daşary işler ministriniň orunbasary M.Bäşimowanyň Fransiýa Respublikasynyň senatory, Fransiýa – Merkezi Aziýa parlament dostluk toparynyň agzasy Samanta Kazebon bilen duşuşygy geçirildi.
Duşuşygyň barşynda taraplar parlamentara, hususan-da Fransiýa-Merkezi Aziýa parlament dostluk toparynyň çäklerindäki hyzmatdaşlygyň orny barada belläp geçdiler.
Şeýle-de taraplar iki ýurduň Daşary işler ministrlikleriniň arasynda ikitaraplaýyn duşuşyklary geçirmegiň wajyplygyny nygtadylar.
Duşuşygyň dowamynda bilim ulgamyndaky hyzmatdaşlyga, hususan-da iki ýurduň ýokary okuw mekdepleriniň arasyndaky hyzmatdaşlyga aýratyn üns çekildi.
Türkmenistanyň bitaraplyk derejesini goldaýandygy hem-de halkara guramalaryň çäklerindäki gatnaşyklar üçin minnetdarlyk bildirip, M.Bäşimowa türkmen tarapynyň işjeň parlamentara dialogy ösdürmäge bolan taýýarlygyny tassyklady.
Taraplar iň ýokary we parlament derejedäki saparlaryň guralmagynyň ähmiýeti barada bellediler.
ORIENT
