Türkmenistan bilen Palestina Döwletiniň arasyndaky ykdysady we ynsanperwer gatnaşyklaryň ösüşi Prezident Serdar Berdimuhamedowyň Türkmenistanda täze bellenen Adatdan daşary we Doly ygtyýarly ilçi Rana Abu Hijleh bilen geçiren duşuşygynyň temasy boldy. 19-njy iýunda Aşgabatda geçirilen söhbetdeşligiň dowamynda ilçi ynanç hatyny gowşurdy hem-de hyzmatdaşlygyň geljegi uly ugurlary kesgitlenildi.

Taraplar söwda-ykdysady hyzmatdaşlygyny giňeltmek, hususan-da Türkmenistanyň, nebithimiýa, dokma senagatynyň, oba hojalyk önümleriniň eksporty ýaly ugurlarda özara gyzyklanmalaryny bellediler. Ynsanperwer başlangyçlara aýratyn üns berildi: medeni çäreleri, bilim babatda alyşmalary we ýöriteleşdirilen sergileri guramak.

Prezident Serdar Berdimuhamedow Ýakyn Gündogar döwletleri, şol sanda Palestina bilen gatnaşyklary pugtalandyrmaga bolan islegini tassyklady diýip, TDH habar berýär.

ORIENT