Biz ýakynlaşmagy ugur edinýäris

Sanly tehnologiýalaryň çalt ösýän şertlerinde standartlar häzirki zaman maglumat ulgamlarynyň hilini, ygtybarlylygyny we howpsuzlygyny üpjün etmegiň özenine öwrülýär. Halkara standartlar, sanly çözgütleriň işlenip düzülmegine, durmuşa geçirilmegine we gözegçiligine bitewi çemeleşmeleri ösdürmäge ýardam edýär, bu ählumumy sanly özgerişler döwründe we durnuklylyga hem-de aç-açanlyga bolan islegleriň çäginde aýratyn möhümdir.

“Türkmenistanda halkara standartlara laýyk gelýän hil üpjünçiligi” atly şygar bilen Aşgabatda geçiriljek “QACIS 2025” maslahatynyň ilkinji plenar mejlisi “Sanly döwürde standartlaryň ähmiýeti” atly tema bagyşlanar.

Ýewropanyň Täzeleniş we Ösüş Banky (ÝTÖB), “The Stirling Foundation”-niň (ABŞ) prezidenti we geňeşiniň agzasy, Milli akkreditasiýa komitetiniň (ABŞ), “CERT International” (Slowakiýa) we “QazTrade” Söwda syýasatynyň ösüş merkezi (Gazagystan) ýaly guramalaryň bilermenleri şeýle hem çärede giň halkara wekilçiligini görkezýän Türkmenistanyň Hökümetiniň ýokary derejeli agzalary gatnaşarlar. Bu tejribe alyşmak we standartlaryň dürli ýurtlarda sanly ykdysadyýeti nädip goldap boljakdygyny ara alyp maslahatlaşmak üçin netijeli meýdançany döredýär.

Plenar mejlis, sanly ykdysadyýetdäki standartlaryň orny barada açyk dialog üçin iş giňişligini döreder, häzirki zaman dünýäsiniň iň oňat tejribeleri bilen tanyşmaga we milli standartlaşdyrma hem-de hiliň barlag ulgamlaryny mundan beýläk-de ösdürmek üçin teklipleri düzmäge mümkinçilik berer. “QACIS 2025” bilelikdäki tagallalaryň möhümdigini görkezýär we ähli gatnaşyjylary hiliň we standartlaryna durnukly sanly geljegiň esasyna öwrüljek çözgütleri işjeň gözlemäge çagyrýar.

Goşmaça maglumatlar üçin ýüz tutup bilersiňiz:

• Tel: +99371871814; +99363719588

• Elektron poçta: qacis@turkmenexpo.com

• Web sahypasy: qacis.turkmenexpo.com

Foto: turkmenexpo