Türkmenistanyň Prezidenti Serdar Berdimuhamedow Arkadag şäheriniň ýaşaýjylaryna dabaraly Arkadag şäheriniň açylmagynyň iki ýyllygy mynasybetli gutlag hatyny iberdi. Döwlet Baştutany ýüzlenmesinde Köpetdagyň gözel künjeginde kemala gelen bu şäher Watanymyzyň gazanýan üstünlikleriniň, ägirt uly ykdysady kuwwatynyň aýdyň nyşanydyr we ýurduň taryhynda ýeke-täk “akylly” şäherdir diýip belledi.
Gutlag hatynda Arkadag şäheri – halkyň şu günki hem-de geljek nesilleriniň bagtyýar durmuşynyň bähbidine gönükdirilen innowasion taslamadyr diýip nygtalýar. Ol dünýäniň we milli binagärligiň iň gowy nusgasyny, ösen tehnologiýalary we ekologiýa standartlaryny özünde jemleýär.
Türkmenistanyň Prezidentiniň belleýşi ýaly, türkmen halkynyň Milli Lideriniň jöwher paýhasyndan kemala gelen täze şäherde bagtyýar durmuş gaýnap joşýar. Raýatlaryň müňlerçesi täze iş orunlary we ähli amatlyklary bolan ýaşaýyş jaýlary bilen üpjün edildi hem-de şäher dolandyryşynda sanly tehnologiýalaryň giňden ornaşdyrylmagy ýaşaýjylaryň ösen durmuşyny üpjün edýär. Arkadag şäherinde ýaşlaryň öz mümkinçiliklerini açyp görkezmekleri üçin ähli zerur şertler bar.
Kanun esasynda döwlet ähmiýetli şäher diýen aýratyn hukuk derejesini göterýän bu şäher Türkmenistanyň halkara hyzmatdaşlygynyň barha rowaçlanýandygyny äleme äşgär edýär. Bu ýerde iri halkara forumlar, maslahatlar we medeni çäreler yzygiderli geçirýär.
Prezident Serdar Berdimuhamedow gutlagynyň ahyrynda gözelligi we döwrebaplygy bilen ýurduň şanyna şan goşýan bu şäheriň ikinji tapgyrynyň gurluşygynyň dowam etdiriljekdigini belledi.
Arkadag şäheriniň resmi açylyş dabarasy 2023-nji ýylyň 29-njy iýunynda geçirildi.
ORIENT
