Biz ýakynlaşmagy ugur edinýäris

Çaga mekdepde erbet netije alsa we erbet baha alsa, ony käýemäge, samsyk ýa-da şowsuz hasaplamaga howlukmaň. Galyberse-de, okuwdan soň şeýle çagalaryň durmuşy düýpgöter üýtgäp, olar iň zehinli, meşhur ýa-da dünýädäki iň baý adamlaryň birine öwrülip bilerler.

Amerikaly alymlaryň geçiren barlaglary, pes öndürijiligi, ukypsyzlygy we hatda samsyklygy sebäpli mekdeplerden kowulan okuwçylaryň otuz göteriminiň zehinli we aşa zehinli çagalardygyny subut etdi. Şeýle çagalar adaty mekdep dersleri bilen gyzyklanmaýarlar. Olaryň zehini, köplenç, okuwy gutarandan soň açylýar.

Ynha, ylymda, sungatda, döredijilikde we beýleki ugurlarda bütin dünýäde meşhurlyk gazanan ikilikçileriň geçmişdäki wakalary.

Gowşak we näsag Isaak Nýuton mekdepde gaty erbet okaýardy. Mugallymlar ony ýalta we samsyk hasaplaýardylar, synpdaşlary ony masgaralapdyrlar we her dürli edip gorkuzypdyrlar. Bu ýagdaý, bir adam Nýutony erbet urýança dowam edýär. Şondan soň beýik fizik synpdaky iň gowy okuwçy bolup, ähli göwnüne degenlerden ar almak kararyna geldi. Hekaýanyň dowamy hemmelere mälimdir.

Nobel baýragynyň eýesi we “otnositellik teoriýasyny” döreden Albert Eýnşteýn giç gürläp başlady, deň-duşlaryndan has giç mekdebe gitdi we on bäş ýaşyndaka okuwynyň pesligi sebäpli bütinleý okuwdan kowuldy. Daş-töweregindäkiler ýaş Albertden hiç hili gowy zadyň gelmejekdigine ynanýardylar. Şeýle-de bolsa, Eýnşteýn iň beýik alymlaryň biri hökmünde taryha girdi.

Microsoft-y esaslandyryjy we dünýädäki iň baý adamlardan biri Bill Geýts mekdepde ikilikçi okuwçydy. Ene-atalar her gowy bahasy üçin çagalaryna 25 sent tölemäge taýyn bolsalar-da, Bill ýylda bäş dollardan köp gazanmagy başardy. Ýöne mekdepde EHM-leriň peýda bolmagy bilen hemme zat - şol wagtyň özünde ýaş Geýtsde “oýanan” ajaýyp ukyplar hem üýtgeýär.

Golliwud ýyldyzlarynyň köpüsi hem ikilikçiler we bezzatlar bolup çykdy.

Mysal üçin, Al Paçinogaty pes okaýardy, ýöne hyýalbent we ýazyjydy we on dört ýaşynda sahnada ilkinji rollaryny ýerine ýetiren mekdep drama klubyna ýazyldy. Bu oňa geljekki hünäri barada karar bermäge kömek etdi. Alfredo soňky synaglarynyň hemmesinden şowsuz bolansoň, okuwdan çykaryldy. Aktýorlyk okuwy üçin pul ýygnamaga az aýlykly iş bilen meşgullandy. Onuň arzuwy hasyl boldy.

Golliwudyň başga bir aktýory Jonni Depp gözegçiliksiz bir bezzat bolup, on bäş ýaşynda mekdepden kowuldy. Bir ýyldan soň öýünden çykyp, ruçka satdy, garym gazdy, pissa satdy we rok ýyldyzy bolmagy arzuw edip aýdym-saz bilen meşgul boldy. Bir gün filmde çykyş etmek mümkinçiligi ýüze çykanda, ýaş Depp pursatdan peýdalandy. Jonyň oýnan “Elm köçesindäki gijeki düýş” ("A Nightmare on Elm Street") filmi ony meşhur etdi.

Oskar baýragynyň eýesi we aktrisa Şer mekdebi ýigrenýärdi – disleksiýa (sözleýiş kemçiligi) sebäpli okamak onuň üçin gaty kyn bolýardy. Emma ol kinony we aýdym-sazy gowy görýärdi, şonuň üçin on bäş ýaşynda gyz öýünden gaçýar, mekdebi taşlady we aktýorlyk bilen meşgullandy.

Meşhur aktrisa we teleýaýlym alyp baryjysy Wupi Goldberg hem disleksiýasy sebäpli mekdepde kynçylyklary başdan geçirdi we on alty ýaşynda okuwyny düýbünden taşlady. Hippiler bilen ýaşamak üçin öýünden çykyp, 1974-nji ýylda Goldberg teatrda iş tapýança dürli kyn we az aýlykly işlerde işledi. Şol günden başlap, onuň meşhurlyga getiren wakalar başlanýar.

"Kino" toparynyň rowaýata öwrülen lideri Wiktor Tsoi hem ikilikçi okuwçydy we okuw wagtynda üç mekdebi çalyşdy. Sekizinji synpy zordan tamamlap, Serow sungat mekdebine okuwa girýär we okuwyndan pesligi sebäpli bir ýyl soň ol ýerden kowuldy. Soň bolsa möhür basýan zawodda işleýär we agaç ussasynyň hünärini özleşdirýär. Emma monoton (bir depginli) iş oňa kanagat getirmedi. Ejesi Walentina Wasiliýewna oglunyň zawoddan çykyp, özüni kämilleşdirmeli diýen karara geldi: oka, çyz, aýdym aýt diýdi.

Meşhur režissýor Fýodor Bondarçuk hem orta mekdep döwrüni kynçylyk bilen başyndan geçirdi we okuwy gutarandan soň okuwa girmek üçin MDHGI-na (Moskwa döwlet halkara gatnaşyklary instituty - МГИМО) ýüz tutýar. Giriş synagynda 37 ýalňyşlyk bilen düzme ýazdy we oňa laýyk iki bal aldy. Emma meşhur kaka oglunyň döredijilik tebigatyny wagtynda tanady we ony BDKI-na (Bütinrus döwlet kinomatagriýa instituty – ВГИК) okamaga iberýär.

Meşhur ikilikçileriň sanawy uzyn bolup, ol uzak wagtlap dowam edip biler. Ýöne taryhyň görkezişi ýaly, mekdepdäki bahalar henizem çaganyň “zehinsiz” diýen görkezijisi däldir. Olaryň käbirleri üçin üstünlikli we hakyky durmuş diňe mekdepden soň başlaýar.

ORIENT news

Foto: Shutterstock