Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
||
12-nji ýanwarda Aziýa Futbol Konfederasiýasy Aziýa yklymy üçin 2024-nji ýylda geçiriljek aýal-gyzlar Olimpiýa saýlama oýunlarynyň birinji tapgyry üçin bije çekişlik geçirdi.
Onuň netijelerine görä, Türkmenistanyň zenanlar topary G toparyna düşdi. Kamil Mingazowyň topary Hindistan we Gyrgyzystan bilen bäsleşer.
Milli ýygyndynyň baş tälimçisi Kamil Mingazow ORIENT bilen ýakyn wagtda geçiriljek ýaryşda Türkmenistanyň mümkinçilileri baradaky çaklamasy bilen paýlaşdy.
― Mümkinçilikler deňdir. Hindistanyň toparyna göwnümiz ýetýär, emma biz topardan çykmak üçin göreşeris" – diýip, hünärmen aýtdy.
Häzirki wagtda geljekki çempionatlara taýýarlygyň çäklerinde Aşgabatda 17 ýaşdan 20 ýaşa çenli gyzlaryň gatnaşmagynda okuw-türgenleşikler geçirilýär.
― 4-nji ýanwardan başlap, Aşgabadyň stadionlarynda türgenleşik geçýäris. Milli ýygyndy topara dalaşgärler ähli welaýatlardan geldiler - diýip, baş tälimçi sözüni dowam etdirýär. – Seçip alyş işleri geçirildi. Meýilnamamyzda - Olimpiýa şäherçesine taýýarlyk görmek. Ýetip gelýän Aziýa kubogy 2024 U-20 saýlama oýunlaryna (6-12-nji mart - Bangladeş), Aziýa kubogy 2024 U-17 saýlama oýunlaryna (22-30-njy aprel - Singapur) we 2024-nji ýyldaky Olimpiýa saýlama oýunlaryna (3-nji aprel 11-nji aprel) taýýarlyk görýäris.
2023-nji ýylyň başynda Türkmenistanyň Futbol federasiýasy zenanlar ýygyndy toparynyň baş tälimçisi Kamil Mingazow bilen şertnamanyň möhletiniň uzaldylýandygyny habar berdi.
2024-nji ýylda geçiriljek Olimpiýadanyň saýlama oýunlarynyň birinji tapgyrynyň bije çekişliginiň netijeleri:
A topary: Özbegistan, Iordaniýa, Gündogar Timor, Butan.
B topary: Mýanma, Eýran, Bangladeş, Maldiwler.
C topary: Wýetnam, Nepal, Palestina, Owganystan.
D topary: Taýland, Mongoliýa, Singapur, Şri-Lanka.
E topary: Filippinler, Gonkong, Täjigistan, Pakistan.
Группа F: Китайский Тайбэй, Индонезия, Ливан.
F topary: Hytaý Taýpeýi, Indoneziýa, Liwan.
G topary: Türkmenistan, Hindistan, Gyrgyzystan.
Artur PETROSYANS
