Biz ýakynlaşmagy ugur edinýäris

Hytaýda ýaz gülleýiş möwsüminiň gyzgalaňly döwri bolup geçýär. Ýurduň ýaşaýjylary diňe bir şäher seýilgählerine däl-de, eýsem şäheriň daşyna tebigatyň gözelligini synlamaga barýarlar. Oba syýahatçylyk kooperatiwler bolsa, şol bir wagtyň özünde girdejilerini hasaplaýarlar.

Raps meýdanlarynda syýahatçylar kofe içip, foto surata düşýärler, uly gyzyklanma bilen uçarmansyz uçarlaryň ekinleri pürkýändiklerini synlap, adaty bürünç çörekleri birşirmekde öz güýçlerini deňäp bilýärler. Häzirki wagtda Hytaýyň howasy oňaýly syýahatlar üçin has laýyk gelýär. Ferma dolandyryjysy Çžu Linlin myhmanlara gül basma sungatyny öwredýär. Şeýlelik bilen, raps gülleri el işler ýadygärlik sowgady hökmünde ikinji ýaşaýşlaryna eýe bolýarlar.

“Isýuan” oba hojalyk kooperatiwiniň dolandyryjysy Çžu Linlin: “Şu ýyl rapsyň güllemegi iki müňe golaý myhmany özüne çekdi. Olar diňe bir manzaralary synlap, foto surata düşmäge däl-de, eýsem oba hojalyk däp-dessurlaryny öwrenmek üçin geldiler”.

Fermada ýörite oba syýahatçylygy üçin niýetlenen zolaklar bar. Bu ýerde maşgalalar, esasan hem, çagaly maşgalalar, uly höwes bilen agrar medeniýeti bilen iş ýüzünde tanyşýarlar.

Hytaýyň gar kalinasy hem ajaýyp bir görnüşde gülleýär. Syýahatçylar tematiki çärelere gatnaşmak üçin milli egin-eşiklere bezenýärler.
Anszi uýezdiniň oba hojalyk dolandyryş bölüminiň müdiri Çžan Ýaoýao: “Biz adamlar özüniň sosial ulgamlarynda biz barada ýazgylary goýar ýaly, estetiki taýdan özüne çekiji fermer zolaklaryny we meşhur ýerleri döredýäris. Soňra biz, oba syýahatçylygyň bilim tejribeler, brending we festiwallar bien utgaşdyrylmagynda ünsümizi jemleýäris”.

Gülleriň we sowatly çemeleşmäniň netijesinde Hytaýyň oba ykdysadyýeti hem gülläp ösýär.

Foto: russian.cgtn.com