Biz ýakynlaşmagy ugur edinýäris

Ýer planetasynyň ozon gatlagy bellenilen meýilnama görä barýar – BMG-niň goldamagynda Ýeriň ozon gatlagyny goramak baradaky Bütindünýä ylalaşygyň ozony ýok edýän jisimler boýunça Monreal Teswirnamasynyň ylmy bahalandyrmasy boýunça işleýän bilermenler topary şeýle netijä geldiler – diýip, unep.org. habar berýär.

Alymlar topary tarapyndan hödürlenen hasabatda ozony ýok edýän himiki jisimlerden dünýä boýunça tapgyrlaýyn ýüz döndermek howanyň üýtgemeginiň täsirlerini ýumşatmak baradaky tagallalaryna eýýäm peýda getirýär.

Eger-de häzirki syýasat dowam etse, onda 2040-njy ýyla çenli dünýädäki ozon gatlagy 1980-nji ýyllardan bäri, ýagny ozon deşigi döräli bäri görülmedik derejede gaýtadan dikeler.

«Monreal Teswirnamasynyň howanyň üýtgemeginiň täsirlerini ýumşatmagyna edýän täsirine çenden aşabaha bermezlik mümkin däl. Soňky 35 ýylda ol daşky gurşawyň hakyky goragçysy boldy» – diýip, BMG-niň daşky gurşaw baradaky maksatnamasynyň ozon baradaky Sekretariatynyň ýerine ýetiriji sekretary Meg Seki belläp geçdi.

ORIENT habarlar
Surat: unep.org

Foto: unep.org