Biz ýakynlaşmagy ugur edinýäris

Apple kompaniýasy özüniň App Store gollanmalar dükanynyň interfeýsini täzeläp, ulanyjylar üçin ony has amatly görnüşe getirdi.

Esasy üýtgeşme gollanmalar toparynyň indi ekranyň ýokarky böleginde ýerleşýändigindedir. Bu hem ulanyjylara olaryň gyzyklanýan bölümçeleri çalt tapmaga mümkinçilik berýär.

Ozal toparlaryň düwmeleri sahypanyň aşagynda ýerleşdirilendi, ulanyjylar bolsa olary görmek üçin aýlamaly bolýardylar. Indi bolsa, “Gollanmalar” we “Oýunlar” goşundylaryny açyp, ulanyjylar şol bada elýeterli toparlary görüp bilýärler, bu hem nawigasiýany ep-esli derejede aňsatlaşdyrýar.

Täzelemeler ulanyjylara öňki ýükläp almalaryň we gözleg taryhynyň esasynda toparlary hödürläp bilýän algoritmleriň kämilleşdirilmegini hem öz içine alýar. Şeýlelik bilen, her ulanyjy şahsylaşdyrylan tejribe alýar, bu bolsa täze gollanmalaryň gözlegini has netijeli edýär.

Bu täzeleme eýýäm ýaýbaňlanyp ugrady hem-de tiz wagtda App Store ulanyjylaryň ählisi üçin elýeterli bolar.

ORIENT news

Foto: 3dnews.ru