Biz ýakynlaşmagy ugur edinýäris

Hususan-da, gürrüň medisina klasteriniň birinji tapgyrynyň, inženerçilik-kommunikasiýa ulgamlarynyň, şeýle hem çeper halyçylyk kärhanasynyň hem-de Türkmen halysynyň we el işleriniň milli muzeýiniň gurluşygyna başlamak hakynda barýar.

Resminamalara laýyklykda, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetine potratçy kompaniýalary bilen şertnamalary baglaşmaga rugsat berildi. Şeýlelikde medisina klasteriniň birinji tapgyrynyň taslamalaryny düzmek hem-de gurluşygy ýerli we daşary ýurt kompaniýalary tarapyndan amala aşyrylar.

Muňa ugurdaşlykda, şäheriň häzirki zaman infrastrukturasyny giňeltmek, şol sanda inženerçilik ulgamlaryny we kommunikasiýalary boýunça işler alnyp barylýar hem-de olaryň gurnama işlerine içerki kompaniýalar gatnaşarlar.

Çeper halyçylyk kärhanasynyň hem-de Türkmen halysynyň we el işleriniň milli muzeýiniň taslama işleri we gurluşygy “Ajaýyp gurluşyk” hususy kärhanasyna ynanyldy. Bu binalar milli medeni mirasy gorap saklamak we wagyz etmek üçin merkezler bolar.

Ähli desgalar gurlanda onuň ýanaşyk ýerlerini abadanlaşdyryp gurmak tabşyryldy. Gol çekilen resminamalara laýyklykda ähli gurluşyk işleri 2027-nji ýylyň ýanwar aýynda ulanmaga doly taýýar edip tabşyrmak bellenildi diýip, “Нейтральный Туркменистан” gazeti habar berýär.

ORIENT

Foto: orient.tm