«Oguzabat» hojalyk jemgyýeti tarapyndan guralýan «Hi-Tech StartupTurkmenistan 2024» bäsleşigine gatnaşmak üçin ýüztutmalar kabul edilip başlandy. Bäsleşige öz pikirlerini ýokary tehnologiýa ulgamynda durmuşa geçirmegi meýilleşdirýän ýaşlar çagyrylýar.

Saýlanyp alnan gatnaşyjylar tejribeli tälimçilerden we telekeçilerden bilim alarlar, taslamany durmuşa geçirmek boýunça meýilnamalary düzmegi, öz önümlerini bazara uýgunlaşdyrmagy öwrenerler we bu ugurda beýleki zerur bolan ukyp- başarnyklary ele alarlar.

Iň gowy startaplaryň awtorlary öz taslamalaryny «Hi-Tech StartupTurkmenistan 2024» halkara forumynda maýadarlara we iri kompaniýalaryň wekillerine tanyşdyryp bilerler.

Bäsleşige gatnaşmak üçin 21-nji iýula çenli bäsleşigiň tehniki şertlerini almaly we onlaýn görnüşi doldurmaly. Bäsleşik 4-6-njy sentýabrda geçiriler.

Goşmaça maglumat almak üçin:
Telefon: (+99361) 18-53-33
Email: pr@hitech-turkmen.com, info@hitech-turkmen.com
Websaýt: hitech-turkmen.com

ORIENT news