Biz ýakynlaşmagy ugur edinýäris

Otag ösümlikleri – bu diňe bir bezeg däl, eýsem rahat we döwrebap interýeri döredýän möhüm gurallaryň biridir. Ösümlikler diňe bir giňişligiň estetikasyny ýokarlandyrmak bilen çäklenmän, eýsem rahatlyk döredýän gurşawy hem üpjün edýär. Häzirki zaman dizaýnerleri fitodizaýny işjeň ulanýarlar we ösümlikleri interýeriň doly bölegine öwürýärler.

Interýerde ösümlikler: penjire öñlerine derek batyrgaý çözgütler

Köp halatda ösümlikler diňe penjire öñlerinde goýulýar – bu bolsa olaryň bezeg mümkinçiliklerini azaldýar. Elbetde, penjire öñünde ýagtylyk köpräk, emma ösümlikler interýerde ýitip gidýärler. Ösümlikleriñizi interýeriň doly bir bölegi hökmünde görmek üçin şu usullary ulanyň:

• Penjirede asylýan gül küýzeleri (kaşpo): Ösümlikleri penjiräniñ golaýynda asylýan kaşpolara ýerleşdiriň – olar giňişlige utgaşyp, onuň bir bölegi bolup görünýär.

• Tekçelerde "ýaşyl burçlar": Penjiräniñ golaýynda ýerleşýän tekçelerde ösümlik kompozisiýalaryny dörediň – bu olaryň göz derejesinde görünmegini we ýagtylygyň ýetmegini üpjün eder.

• Mobil kompozisiýalar: Uly ösümlikler üçin tigirli kaşpolary ulanyň. Ir bilen olary penjiräniñ öñüne süýşürip, agşam bolsa otagyň içine geçirseňiz – olar interýeriň bir bölegi bolup hyzmat eder.

• Görnüş bilen oýun: Uly ösümlikleri otagyň merkezine ýa-da ýagty diwardaky burçlara ýerleşdiriň – bu giňişligi giňiräk we göze ýakymly eder.

Ýer saýlamak: proporsiýa we funksiýa sazlaşygy

Her bir ösümlik üçin ýer saýlamak öňünden oýlanyşykly bolmaly. Ösümlikleriň otagyň we mebelleriň umumy proporsiýasyna saz gelmegi möhümdir.

Ýere goýmak üçin iň gowusy:

• Uly dik ösýän görnüşler: fikuslar, monstera, drasena, zamiokulkas, palma ýaly ösümlikler beýiklik we aýratynlyk döredýär.

• Gözgaýdyjy ýaprakly ösümlikler: minimalistik we ýagty interýerlerde ajaýyp ýagdaýda üns çekiji bolar.

• Beýik kaşpo: otagy wizual taýdan "uzaldyp", potoloklary has beýik edýär.

Komod, tekçe, stellaž we stol üçin aşakdakylary saýlaň:

• Orta we kiçi görnüşler: peperomiýa, alokaziýa, hlorofitum, spatifillum, kalateýa.

• Ampel ösümlikler: çyrmaşyk ösümligi, stindapsus, tradeskansiýa. Olar polkanyň gyrasynda ýa-da asylýan kaşpolarda ýerleşdirilse, kaskad täsirini döredýär.

• Sukulentler we kaktuslar: iş stollary üçin iñ gowy ösümlik – ykjam, şekilli we ýygy suwarmagy talap etmeýärler.

Möhüm: Ösümligiň ululygyny mebeliň ölçegi bilen deňeşdiriň. Kiçi gül küýzesi uly komodyň üstünde ýitýär, uly ösümlik bolsa kiçi stoly "basyp" biler.

Fitodizaýndäki häzirki zaman tendensiýalary

Otag ösümlikleri dünýäsinde hem öz trendleri bar. Bu tendensiýalara uýmak kyn däl:

• Lira görnüşli fikus (Ficus lyrata): Stili we beýikligi bilen mebel bilen deñ derejede interýeriň esasy elementi bolup.

• Kalateýa we maranta: Özboluşly nagyşlary we ýapraklaryñ ajaýyp reňklerini gowy görýänler üçin.

• Scindapsus we filodendron: Häzirki zaman dizaýnerleriniň halanýan ampel ösümlikleri. Asylýan kompozisiýalarda ajaýyp görünýär.

• Zeýtun agajy, lawr, ewkalipt: Öýde ýeňillik we täzelik gurşawyny döredýär.

• Kaktuslar we söwdek ösümlikleri: Minimalizm we şekil ýönekeýligi üçin amatly.

• Özboluşly reňkli ýaprakly ösümlikler: Benewşe, mahmal ýa-da köp reňkli ýaprakly ösümlikler interýerde aýratyn reňki bilen esasy üns merkezde bolýar.

Iñ gowy kaşpony saýlamak: idegiň we stiliň utgaşmasy

Kaşpo – ösümligiň "geýimi". Ol bitarap fon hökmünde hyzmat edip biler ýa-da ajaýyp dizaýnerçilik aýratynlygy hökmünde çykyş edip biler. Ideg berilmedik, solan gül küýzeleri hatda iň owadan ösümligiň hem täsirini peseldip biler.

Saýlamak prinsipleri:

• Interýer bilen sazlaşyk: Kaşpo interýeriň umumy stiline laýyk bolmaly – reňk, gurluş ýa-da bezeg elementleri bilen utgaşmaly.

• Aýratynlyklary goldamak: Öýüňizde bar bolan reňk aýratynlyklary (ýassyk, tekstil, surat) bilen utgaşykly kaşpo saýlaň.

• Mebel bilen sazlaşyk: Mysal üçin, beton kaşpo agaç, aýna ýa-da metal bilen bilelikde ajaýyp görünýär.

Kaşpolaryň häzirki zaman formasy we materialy:

• Ýönekeý formalar: silindr, kub, ýa-da käse görnüşli. Ýalpyldysyz we ýalpyldawuk ýüzler, aýna, ýylmanak metal häzirki wagtda modada.

• Tebigy materiallar: glazur bilen örtülen we tebigy palçyk, beton, rotang, agaç we dürli metallardan taýýarlanan kaşpolar.

• Wintaž we el işi: wintaž keramiki gül küýzeleri, boho stili ýa-da awtorlaýyn kaşpolar interýere aýratynlyk berýär.

Kaşpolaryň dogry ölçegi:

Kaşpo ösümligiň ululygyna laýyk bolmaly. Ol örän kiçi bolmaly däl – ösümlik "ýitýär", örän uly bolsa – giňişligi basýar.

• Ýer ösümlikleri üçin kaşpolaryň diametri 25–30 sm aralygynda bolmaly.

• Stol ösümlikleri üçin – 10–20 sm.

ORIENT

Foto: Geometrium