Biz ýakynlaşmagy ugur edinýäris

Azerbaýjanyň syýahatçylyk baradaky resmi maglumat portaly işläp başlady.

Web-çeşme ýurduň syýahatçylyk mümkinçililerini açyp görkezmek bilen, özüňiz üçin Azerbaýjany meşhur syýahatçylyk ugry hökmünde açmaga mümkinçilik berýär.

Portala girip, Azerbaýjana barmakçy bolan islendik adam, şu soraglara jogap tapyp biler – Azerbaýjanda nirelere barsaň bolar? Azerbaýjanda näme bilen meşgullanyp bolar? Öz islegleriňizi saýlap, siz Azerbaýjana syýahat üçin şahsy maslahatlary alyp bilersiňiz. Munuň üçin ýörite ölçeg çyzygy bar. Ol hem bu ýa-da beýleki teklibiň siziň üçin nähili derejede gyzykly boljagyny görkezýär.

Saýtda 2025-nji ýylda Azerbaýjanda geçiriljek çäreleriň senenamasy hem ýerleşdirilen – ulanyja diňe degişli senesini saýlamak galýar, ulgamyň özi ýurtda bolan wagty baryp biljek çäräni çykaryp berýär.

Dag syýahatçylygy gowy görýänler üçin web-portalda aýratyn “Şahdag-2025” bölümçesi bar. Şahdag dag kurorty Azerbaýjandaky Gusar şäherinden 29 km uzaklykda ýerleşýär. Bu bölümçede 2025-nji ýylda Uly Kawkazyň gündogar bölegindäki dag belentliginde geçiriljek çäreler görkezilen.

Maglumat syýahatçylyk portaly bilen täze Azerbaýjany açyň!

ORIENT news

Foto: azerbaijan.travel