“La Gazette de Monaco” neşiri Monte-Karloda “Galkynyş” milli at üstündäki oýunlar toparynyň çykyşyna bagyşlanan makalany çap etdi
22.01.2025 | 12:50 |
“La Gazette de Monaco” abraýly neşiri öz makalasyny Monte-Karlodaky 47-nji Halkara sirk festiwalynda “Galkynyş” milli at üstündäki oýunlar toparynyň çykyşynyň üstünligine bagyşlap çap etdi. Bütin dünýäniň iň gowy sirk artistleriniň ýaryşýan festiwalynda “Galkynyş” topary “Altyn masgarabaz” iň ýokary baýragyny eýeledi.
Şa gyzy Stefaniýanyň ýolbaşçylygyndaky eminleriň karary biragyzdan kabul edildi. Mundan başga-da, türkmen artistleri dört sany ýörite baýraga, şol sanda Tomaşaçylaryň söýgüsiniň baýragyna hem mynasyp boldylar.
Neşir türkmen jigitleriniň ahalteke atlarynyň üstündäki çykyşlarynyň köpçüligi we eminleri haýran galdyrandygy barada aýratyn belläp geçdi.
“Galkynyş” toparynyň görkezen jigitçilik we akrobatika sungaty Türkmenistanyň baý däp-dessurlarynyň aýdyň subutnamasy boldy. Şeýle abraýly arenada “Galkynyş” toparynyň ýeňşi Türkmenistanyň halkara abraýyny ýene bir gezek pugtalandyrdy.
Foto: La Gazette de Monaco
Şeýle hem okaň:
22.01.2025
|10:25
21.01.2025
|13:30
