Tramp Emeli aň üçin megaserwere niýetläp 500 mlrd dollar goýberilýändigi barada habar berdi

22.01.2025 | 13:20 |

Donald Tramp ABŞ-nyň taryhynda Emeli aň infrastrukturasynyň iri taslamasy bolan Stargate taslamasynyň işläp başlandygy barada habar berdi.

Bu taslamanyň çäklerinde megaserwerleri we maglumatlary işlemek merkezleriniň döredilmegine 500 mlrd dollara çenli goýberiler. Bu hem ýurtda Emeli aň tehnologiýalaryň ösüşini ep-esli derejede çaltlaşdyrmaga mümkinçilik berer. Taslamanyň esasy hyzmatdaşlary bolup OpenAI, Oracle we SoftBank ýaly kompaniýalary, şeýle hem beýleki iri gatnaşyjylar, şol sanda Microsoft we NVIDIA çykyş etdiler.

Tramp bu taslamanyň diňe bir 100 müňden gowrak iş orunlaryny döretmän, eýsem ABŞ-nyň tehnologiki geljegini üpjün etjekdigini belledi.

Tehasda eýýäm maglumatlary işlemegiň ilkinji merkezleriniň gurluşygy başlady, hem-de balşangyç maýa goýumlaryň 100 mlrd dollar boljakdygyna garaşylýar. Şeýle-de, Tramp öz işläp taýýarlamalarynyň howpsuzlygy baradaky maglumatlar bilen paýlaşmagy talap edýän özünden öňki prezidentiň permanyny ýatyrdy. Onuň pikirine görä, şol perman Emeli aň babatda innowasiýalar üçin päsgel döretýärdi.

ORIENT News