Biz ýakynlaşmagy ugur edinýäris

Donald Tramp ABŞ-niñ 47-nji prezidenti hökmünde duşenbe güni kasam berdi. Wezipä resmi ýagdaýda girişenden soñ, söz berişi ýaly, Donald Tramp köpsanly permanlara gol çekdi.

Ilkinji gününde Tramp 2020-nji ýylda prezident saýlawlarynda onuñ ýeñlişine garşy çykyp, 2021-nji ýylyñ 6-njy ýanwarynda ABŞ-niñ Kapitoliý binasyna kürsäp urup, tolgunma döreden gatnaşyjylaryñ günäsini geçdi.

Tramp Kongresiñ TikTok ulgamyny gadagan etmek işini 75 güne çenli duruzmaga gönükdirilen buýruga hem gol çekdi. Trampyñ aýtmagyna görä, bu döwür milli howpsuzlyk bähbitlerini gorajak hem-de amerikalylar üçin bu meşhur sosial media platformasyny açyk galmaga mümkinçilik berjek geleşigiñ çäklerinde platformanyñ amerikaly satyn alyjysyny tapmaga arakesme bolup hyzmat eder.

Birinji möhletiniñ dowamynda amala aşyran hereketini ýene bir gezek gaýtalamak bilen, Tramp Birleşen Ştatlaryñ Bütindünýä saglygy goraýyş guramasyndan (BSGG) çykýandygy baradaky permana gol çekdi. Şeýle-de ol ABŞ-niñ daşary ýurt kömegine harçlaýan çykdajylaryñ hemmetaraplaýyn gözden geçirilişini amala aşyrmagy buýurdy. Olaryñ ABŞ-niñ milli bähbitlerine laýyk gelşi öwrenilýän döwründe, ol daşary ýurt döwletlerine kömek edýän ähli amerikan maksatnamalarynyñ işini 90 günläp wagtlaýyn duruzulmagyny buýurdy.

Has alamatly ädim hökmünde Tramp Meksikan aýlagyny "Amerikan aýlagy" diýip adyny üýtgetmek baradaky permana gol çekmegi göz öñünde tutýar. Öñki prezident Barak Obama tarapyndan ady üýtgedilen häzirki wagtda Denali ady bilen belli Demirgazyk Amerikanyñ iñ beýik dagy bosa özüniñ Mak-Kinli öñki adyna gaýdyp geler.

Tramp özünden öñki prezidentiñ birnäçe immigrasiýa permanlaryny, şol sanda deportasiýa ulgamyny çäklendirýän permanyny hem ýatyrdy. Baýden ilki bilen agyr jenaýatlary ýa-da milli howpsuzlyk üçin howply jenaýatlary eden adamlary deporstasiýa edilmegini buýurypdy.

Şeýle hem Tramp jemgyýetçilik we milli howpsuzlyk üçin "ABŞ-de bosgunlary kabul etmek maksatnamasynyñ" netijelerini barlamak üçin gözden geçirlişi amala aşyrylýança, bu maksatnamanyñ işini wagtlaýyn duruzdy.

Tramp, onuñ aýtmagyna görä, ABŞ-ni Howa boýunça Pariž ylalaşygyndan resmi taýdan çykarýan resminamalara gol çekdi. Muña meñzeş işi birinji möhletiniñ dowamynda hem amala aşyrypdy, emma Baýden wezipä girişinden soñ ony ýatyrypdy.

Tramp federal hökümetde transgenderleri goramak çärelerini ýatyrýar hem-de köpdürlüligi, deñhukuklylygy we inklýuziwligi üpjün etmek boýunça maksatnamalary (DEI) bes edýär. Bu ädimleriñ ikisi hem federal syýasatda uly üýtgeşme bolup durýar we onuñ saýlawdan öñki berlen sözlerine laýyk gelýär. Permana laýyklykda,federal hökümeti diñe iki jynsy - erkek we aýal jynslaryny ykrar eder.

Şeýle-de Tramp Süýrümtik otaga berhiz kolany sargamak üçin düwmäni gaýtardy. 2021-nji ýylda Associated Press Agentligi öñki prezident Jo Baýdeniñ Ak tamda gyzyl düwmäni aýyrandygy barada habar beripdi. Tramp ony iñ gowy görÿän içgisi bolan berhiz kolany getirip berýän ofisianty çagyrmak üçin ulanýardy.

"Belli bolşy ýaly, Trampyñ berhiz kolany sargamak üçin ulanan bu düwmesi eýýäm goýulyp işledilmegine taýýardyr" - diýip, neşirde aýdylýar.

Foto: ru.euronews.com