Biz ýakynlaşmagy ugur edinýäris

Samsung kompaniýasy Galaxy S25 täze smartfonlaryň tanyşdyrylyş senesi barada resmi ýagdaýda habar berdi. Tanyşdyrylyş dabarasy ABŞ-nyň Kaliforniýa ştatynyň San-Hose şäherinde geçiriljek Galaxy Unpacked her ýylky çäresiniň çäklerinde 2025-nji ýylyň 22-nji ýanwarynda geçiriler.

Şol gün dört modelleriň tanyşdyrylyşynyň geciriljekdigine garaşylýar: Galaxy S25, Galaxy S25+, Galaxy S25 Ultra hem-de bütinleý täze Galaxy S25 Slim.

Ähli enjamlaryň öňki modelleriň burçlak dizaýni bilen deňeşdirilende tegeleklenen burçlary bolar. Galaxy S25 Ultra 6,8 duýmlik displeý bilen, Galaxy S25 Slim bolsa 6,66 duýmlik diagonally displeý hem-de 5000 mAs energiýa berijisi bilen enjamlaşdyrylar. Bütinleý täze Galaxy S25 Slim modeli Qualcomm Snapdragon 8 Elite proseseriň dolandyrylmagy bilen işlär hem-de özünde iki sany 50 megapiksellik (ýokary giň burçly hem-de tele foto obýektiwli) hem-de 200 megapiksellik esasy görkeziji enjamyny birleşdirýän kamera blogy bilen enjamlaşdyrylar. Daşky gabyň galyňlygyny ýukaltmak üçin Galaxy S25 Slim modeliniň simsiz kuwwat berijisi bolmaz.

Galaxy S25 Ultra modeliniň 6,8 duýmlik displeýi saklanyp galar. 50 megapikselli ýokary giň burçly kamerasy täzelener, galan görkezijiler boýunça Samsung-yň täze flagmanyň kamerasynyň öňki görnüşinden kän tapawutlylygy bolmaz. Qualcomm Snapdragon 8 Elite prosesory 16 Gbaýtlyk operatiw ýady bilen utgaşdyrylar. Bu smartfony satyn alan adam Google Gemini Advanced Emeli aň-hyzmatyna bir ýyllyk mugt mümkinçiligini hem-de 2 Tbaýtlyk Google Drive bulutlaýyn saklanyjysyny alar.

Ähli smartfonlar One UI 7 daşly Android 15 esasynda işläp, 7 ýyllyk täzeleniş üpjünçiligini alarlar.

Tanyşdyrylyş dabarasy Samsung Newsroom portaly arkaly hem-de kompaniýanyň sosial ulgamlaryndaky resmi ýaýlymlarynda göni ýaýlymda görkeziler.

ORIENT news

Foto: 3dnews.ru