Biz ýakynlaşmagy ugur edinýäris

Ýewropanyň Täzeleniş we ösüş banky maslahat beriş kompaniýalarynyň wekillerini hem-de hususy bilermenleri işewürlik seljermesi boýunça okuw maslahatyna gatnaşmaga çagyrýar.

Bu çäre “Maslahat beriş işewürligiňizi ösdüriň” taslamasynyň çäklerinde geçirilýär we Ýewropa Bileleşigi tarapyndan maliýeleşdirilýär.

Bu okuw maslahaty maslahat beriş taslamasyna başlamazdan ozal, işewürligi seljermegiň aýratynlyklary bilen tanyşdyrar, müşderi bilen gatnaşyklary dogry ýola goýmaga, şeýle hem seljerme geçirmek we müşderä maslahat bermek üçin ileri tutulýan ugurlary kesgitlemäge ýardam berer.

Okuw maslahaty offlaýn görnüşinde geçirilip, özünde nazaryýet we tejribe sapaklaryny jemleýär. Hususan-da, oňa gatnaşyjylar öz amala aşyrýan hyzmatlary boýunça işewürlik seljermesini geçirmegiň anyk düzgünlerini we şablonlaryny döretmegiň üstünde işlärler.

Okuw maslahatyny üstünlikli tamamlan gatnaşyjylara Ýewropanyň Täzeleniş we ösüş bankynyň güwänamalary gowşurylar.

Maslahata gatnaşmaga dalaşgärler bäsdeşlik esasynda kabul edilýär. Oňa gatnaşmak üçin ýüz tutmany, rezýumeni we kompaniýanyň profaýlyny 2024-nji ýylyň 12-nji apreline çenli ovezovat@ebrd.com elektron salgysyna ibermeli.

Okuw maslahatyny Belgiýadaky guramaçylyk we sosial ösüş halkara institutynda bilim alan işewür-maslahatçy Wladimir Çernýawskiý geçirer. Soňky 25 ýylda ol dürli ulgamlarda, şol sanda strategik dolandyryş, guramaçylyk ösüşi, taslamalary dolandyrmak tehnologiýalaryny ornaşdyrmak, prosesleri dolandyrmak, işgärleri dolandyrmak ýaly ulgamlarda 100-den gowrak maslahat beriş taslamalaryny durmuşa geçirdi.

Goşmaça maglumatlary almak üçin (+99363) 296894 telefon belgä ýa-da ovezovat@ebrd.com elektron salgysyna ýüz tutup bilersiňiz.

ORIENT news

Foto: mostpp.ru