Biz ýakynlaşmagy ugur edinýäris

«Ýeňiş sazy» 9-njy maýyň öňüsyrasynda ýurdumyzyň weteranlaryny we Aşgabadyň saz söýüjilerini baýramçylyk konsertine ýygnady. Eýýäm gowy däbe öwrülen Beýik Watançylyk urşuna bagyşlanan aýdymlaryň agşamy, 3-nji maýda Maýa Kulyýewa adyndaky Türkmen milli konserwatoriýasynyň uly zalynda geçirildi.

Uruş ýyllarynyň sazly kompozisiýalary – «Mawy elýaglyk», «Uruşdan öňki Wals», «Mukaddes uruş», «Şapaklar bu ýerde sessiz»,«Ofiserler», «Durnalar», «Smuglyanka», «Katýuşa», «Maý Walsy», zala ýygnanan myhmanlary 1941-1945-nji ýyllara alyp giden ýalydy. Gynançly, liriki we şatlykly bu aýdymlary diňlän weteranlar, her sahypasy uruş taryhynyň ýyl ýazgysyny saklaýan hatyra kitabynyň sahypalaryny agdarýan ýalydy.

Baýramçylyk maksatnamasyna TMK-nyň talyplary we mugallymlary, şeýle hem tanymal sazandalar, artistler, aýdymçylar we wokalistler: Atageldi Garyagdyýew, Atajan Berdiýew, Wladimir Mkrtumow, Meýlis Myratgeldýew, Begenç Gaýypow, Tylla Saryýewa, Bahar Durdyýewa we başgalar gatnaşdy.

Şeýle hem, olaryň ýerine ýetirmeginde türkmen kompozitorlarynyň - Nury Halmämmedowyň «Esgeriň ýatlamasy», Aman Agajykowyň «Mirasdar» filminden «Mirasdary», Suhan Tüýliýewip «Uruşdan gelmedik agam» ýaly aýdymlary ýaňlandy. Bahar Durdyýewanyň «Hatyrany gaýdyp beriň» aýdymy aýratyn täsir galdyrdy. Awtorlar Maral Ýagşyýewanyň we Mariýa Zaharowanyň eserleri diňleýjileri ýatlamalara çümdürdi.

Konserwatoriýanyň mugallymlarynyň we talyplarynyň çagalary we agtyklary tarapyndan taýýarlanan saz sowgady örän baýramçylykly we ýürekden boldy. Olar «Esger şäherden barýar» aýdymyny şadyýan we joşgunly ýerine ýetirip, çykyşdan soň ýaş artistler güller bilen zala düşdiler we weteranlary gutladylar.

Konsert maksatnamasyny wideolar we suratlar, şeýle hem tans etmek we goşgy okamak çykyşlary bezedi. Esasan hem Ýekaterina Darçiýanyň ýerine ýetirmeginde Konstantin Simonowyň «Maňa garaş» setirleri ýürekden ýaňlandy. Pianino (Ýelena Arakelýan) we tüýdük (Kakajan Hudaýberdiýew) sazly çykyş, ýyly we ýakyn atmosfera döretdi.

Konsert, artistleriň tomaşaçylar bilen bilelikde ýerine ýetiren «Ýeňiş güni» aýdymynyň adaty ýerine ýetirilmegi bilen tamamlandy.

Miwegözel Saparmyradowa

Foto: TMK