Biz ýakynlaşmagy ugur edinýäris

Hazar deňzi özüniň ajaýyp görnüşi bilen nobatdaky gezek Instagram ulanyjylaryny haýran galdyrdy. Aktaunyň ýaşaýjysy, Gazagystanyň tebigaty barada köpsanly wideo ýazgylaryň awtory Azamat Sarsenbaýew ýakynda ýüzüniň kä ýerleri buz bilen örtülen deňziň gözel görnüşleri düşürilen wideoýazgysyny internete ýükledi. Bu barada "Astana Times" ýekşenbe güni okyjylaryna habar berýär.

"Bu ýyl aýaz has agyr boldy. Hatda Hazar deňzi hem gyşa garşy durup bilenok" – diýip, Sarsenbaýew wideonyň aşagynda ýazýar. Hazar tehniki taýdan köl bolup, ony dünýädäki iň uly yklymiçi suw howdany ýa-da dünýä ummanyna çykalgasy bolmadyk özboluşly ekoulgam diýip atlandyrýarlar. Özünde deňziň duzlulygyny, ýerasty tebigaty babatda hem deňziň tebigatyna kybap gelýän alamatlaryny jemleýän dünýäniň iň uly kölüniň tutýan meýdany, takmynan 390,000 inedördül kilometre deňdir.

Kenarýaka bäş döwletiň arasynda Gazagystanyň deňiz kenary, takmynan 2320 kilometre barabar. Ikinji orunda Türkmenistan - 1200 km. Azerbaýjanyň kenarýakasy 955 kilometre, Eýranyňky - 724 kilometre, Russiýanyň kenary bolsa - 695 kilometre deňdir.

ORIENT news