Aşgabat – Moskwa ugry boýunça gatnawlar 1-nji iýundan başlap wagtlaýyn duruzylýar
29.05.2025 | 18:35 |
2025-nji ýylyň 1-nji iýunyndan başlap, Aşgabat – Moskwa – Aşgabat ugry boýunça T5701/702 we T5715/716 gatnawlaryñ ýerine ýetirilmegi togtadylýar. Munuň ýerine “Türkmenistan” awiakompaniýasy Aşgabat – Kazan – Aşgabat ugry boýunça goşmaça gatnawlary girizýär. Bu barada awiakompaniýanyň sosial ulgamlarynda habar berildi.
Aşgabat – Kazan – Aşgabat ugry boýunça täze gatnaw tertibi:
Aşgabat – Kazan
Sişenbe, gatnaw T5733: 11:00 – 12:
Şenbe, gatnaw T5735: 11:10 – 12:25
Kazan – Aşgabat
Sişenbe, gatnaw T5734: 13:45 – 18:55
Şenbe, gatnaw T5736: 13:55 – 19:05
(Wagty ýerli wagt bilen görkezilýär)
Aşgabat – Moskwa – Aşgabat ugry boýunça awiabiletleri bolan ýolagçylar üçin:
T5701 gatnawy awtomatik ýagdaýda T5733 gatnawyna geçiriler
T5715 gatnawy – T5735 gatnawyna geçiriler.
2025-nji ýylyň 2 – 14-nji iýuny aralygynda bu ýolagçylar üçin Kazan şäheriniň howa menzilinden Moskwanyň Domodedowo howa menziline çenli mugt ýerüsti ulag hyzmaty guralar.
2025-nji ýylyň 15-nji iýunyndan 25-nji oktýabryna çenli döwürde Aşgabat – Moskwa – Aşgabat ugry boýunça bilet alan ýolagçylar hem awtomatiki ýagdaýda Aşgabat – Kazan – Aşgabat ugry boýunça gatnawa geçiriler.
1-14-nji iýun aralygynda Aşgabat – Moskwa ugry boýunça bilet alan ýolagçylaryň uçuş maglumatlaryny anyklamak üçin bileti satyn alan agentlik bilen habarlaşmaklary zerur.
ORIENT
