Daewoo E&C: Biz iň ýokary dünýä derejesindäki dökün öndürýän zawody gurarys
26.05.2025 | 23:50 |
Günorta Koreýanyň “Daewoo Engineering & Construction” gurluşyk kompaniýasy duşenbe güni Merkezi Aziýa bazaryna girmek boýunça öz meýilnamasyny mälim etdi we mineral dökün öndürýän zawodyny gurmak üçin “Türkmenhimiýa” döwlet konserni bilen 784 million ABŞ dollarlyk şertnama baglaşdy.
Ýurduň Gündogar sebitinde ýerlşeýän – Türkmenabat şäherinde durmuşa geçirilýän bu taslama, umumy ýyllyk önümçilik kuwwaty 350 müň tonna fosforly we 100,000 tonna mmoniý sulfaty dökünlerini öndürýän desgalaryň gurluşygyny öz içine alýar. Kompaniýanyň berýän maglumatlaryna görä, gurluşygyň başlanan gününden 37 aýyň içinde tamamlamak meýilleşdirilýär.
“Daewoo E&C” geçen ýylyň oktýabr aýynda mineral dökünlerini öndürýän zawodyň taslamasy üçin geçirilen tender-bäsleşiginde ýeňiji hökmünde saýlandy we çarçuwaly şertnama esaslanýan gutarnykly şertnama şu ýylyň aprel aýynda Seulda gol çekildi.
Bu taslama Türkmenistanda ilkinji işimiz hökmünde bellidir – diýip, “Daewoo E&C”-iň Baş direktory Kim Bo-Hýon Aşgabatda şenbe güni geçirilen gol çekişlik dabarasynda aýtdy. - Kompaniýamyzyň giňişleýin tejribesine we çeşmelerine laýyklykda biz iň ýokary dünýä derejesindäki mineral dökün öndürýän zawod döretmegi maksat edinýäris”.
Bu möhüm şertnama, Daewoo E&C”-iň tebigy baýlyklara we ösüş mümkinçiligine baý ösýän bazarda – Türkmenistanda barlygyny güýçlendirmegi maksat edinýär.
Kompaniýa, infrastruktura, täze şäher ösüşi we ýaşyl energetika pudagynda täze mümkinçilikleri öwrenmek bilen bir hatarda, Türkmenistandaky nebithimiýa we dökün öndürýän pudaklarda goşmaça şertnamalary baglaşmagy meýilleşdirýär.
Nigeriýada, Alžirda we Marokkoda uly göwrümli dökün zawodlaryny üstünlikli durmuşa geçirmekde tejribelerimize esaslanyp, Türkmenistanda özümiziň tehnologiki ussatlygymyzy görkezip biljekdigimize ynanýarys” – diýip, “Daewoo E&C”-iň wekili aýtdy.
ORIENT
Ýene-de tema boýunça
Günorta Koreýanyň Daewoo E&C kompaniýasy Türkmenistanda iki zawod gurar
“Daewoo E&C” Türkmenabatda dökün öndürýän zawodynyň gurluşygy boýunça tender-bäsleşikde ýeňiji boldy
