Pekinde ilkinji Bütindünýä robot-gumanoidleriň oýunlary tamamlandy
19.08.2025 | 10:30 |
Pekinde taryhda ilkinji gezek geçirilýän Bütindünýä robot-gumanoidleriň oýunlary tamamlandy. Oýunlar 15-nji awgustda başlap, 2022-nji ýylyň Olimpiýa oýunlaryndan bäri tanalýan Milli konkili typma sport arenasynda geçirildi. Çärä 15 ýurtdan 280-den gowrak topar gatnaşdy. Olaryň arasynda öňdebaryjy hytaý kompaniýalary, uniwersitetli alymlar we bütin dünýäniň höwesjeňleri bardy.
Oýunlaryň maksatnamasy 26 ugur boýunça 487 ýaryşy öz içine aldy. Robotlar ylgamak, boks we tennis ýaly adaty sport görnüşleri hem-de myhmanhana otaglaryny arassalamak, materiallary görnüşlerine görä bölmek we ammar amallaryny ýerine ýetirmek ýaly amaly ýumuşlar boýunça öz aralarynda ýaryşdylar. Ýaryşlaryň aýratynlygy wizual tanamak algoritmleri bolan doly awtonom robotlaryň hem-de 5G-A ulgamy arkaly uzak aralykdan dolandyrylýan modelleriň gatnaşmagy boldy. Oýunlaryň esasy maksady gumanoidleriň hakyky durmuşda amaly peýdalaryny ýüze çykarmak boldy.
Hytaýda şeýle çäreleriň geçirilmegi robototehnika bolan ählumumy gyzyklanmasyny açyp görkezýär. Bu trend ýakynda geçirilen wakalar bilen hem tassyklanylýar: ABŞ-da gumanoidleriň arasynda ilkinji söweş ligasy döredildi, Hytaýda bolsa emeli aň tarapyndan dolulygyna dolandyrylan robotlaryň gatnaşmagynda futbol duşuşygy geçirildi.
ORIENT
