Biz ýakynlaşmagy ugur edinýäris

Los-Anjelesde alty sany ýangynyň netijesinde bäş adam heläk boldy. Häkimiýet heläk bolanlaryň sany artar diýip garaşýar. 1000 sany bina, şol sanda meşhur adamlaryň jaýlary hem ýandy.

Tokaý ýangynlary ýaýbaňlanyp dur. Şemal peselenden we ähli ştatyň ýangyn söndüriji adamlary gelen soň, köpüsi ýagdaýy gözegçilik astyna alyp boljakdygyny pikir etdiler. Emma howp entegem abanyp durdy. Altynjy ýangyn Golliwud depelerinde bolup geçdi. Ýaşaýjylar ewakuasiýa barada habar aldylar.

Häkimiýetleriň berýän maglumatlaryna görä, häzirki wagtda 1000-den gowrak bina, esasan hem ýaşaýyş jaýlar ýandy, 130 000 golaý adam ewakuasiýa degişli.

Los-Anjelesiň birnäçe ýerleriniň ýokarsynda goýy tüsse görnüp dur. Şeýle-de, meşhur adamlaryň gowy görýän ýeri bolan Ýuwaş umman kenarýakasyndaky Pasifik Paliseýds etrabyndaky ýerler hem weýran boldy. Köpsanly golliwud ýyldyzlary ýangynlar zerarly ewakuasiýa edilmeli boldy, köpüsi bolsa jaýlaryndan mahrum galdylar. Olaryň arasynda jaýlary weýran bolan Adam Broudi we Leýton Mister, şeýle hem Malibu kenaryndaky jaýy bütinleý ýanan Peris Hilton dagylar bar.

ORIENT news

Foto: www.aa.com.tr