Biz ýakynlaşmagy ugur edinýäris

Amerikaly milliarder Ilon Mask iňlis futbol kluby “Liwerpuly” satyn almak isleýär. Bu hakykaty 7-nji ýanwarda, telekeçiniň kakasy Errol Mask tarapyndan “Times Radio”-da tassyklandy.

Milliarderiň “Liwerpul” futbol klubyny satyn almak meselesine çynlakaý çemeleşse, MLB-iň “Boston Red Sox” toparynyň we NHL-iň “Pittsburgh Penguins” toparynyň häzirki eýesi Jon Genrä teklibi hödürlejekdigini neşir habar berdi.

“Liwerpul” 19 gezek Angliýanyň çempiony, 8 gezek Angliýanyň kubogynyň eýesi, 10 gezek liganyň kubogynyň eýesi, 16 gezek Angliýanyň Super kubogynyň eýesi, 3 gezek UEFA kubogynyň eýesi, 6 gezek Çempionlar ligasynyň ýeňijisi, 4 gezek UEFA Super kubogynyň ýeňijisi we 2019-njy ýylda klublaýyn dünýä çempiony.

Gözegçilik kompaniýasy “Deloitte”-iň maglumatlaryna görä, 2024-nji ýylda Liwerpul dünýäniň ähli futbol klublarynyň arasynda girdeji taýdan ýedinji orny eýeledi. 2024-nji ýylyň maý aýynda “Forbes” bu klubyň bahasyny 5,37 milliard dollar diýip bahalandyrdy. Şeýlelik bilen “Liwerpul” dünýäniň iň gymmat futbol toparlarynyň sanawynda dördünji orny eýeleýär.

ORIENT

Foto: aa.com.tr