Türkmenistanyň Halk Maslahatynyň Başlygy bilen Türkiýe Respublikasynyň Prezidentiniň arasynda telefon arkaly söhbetdeşlik boldy

09.10.2024 | 15:21 |

8-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Türkiýe Respublikasynyň Prezidenti Rejep Taýyp Ärdoganyň arasynda telefon arkaly söhbetdeşlik boldy.

Türkme-türk gatnaşyklary täze many-mazmun bilen baýlaşýandygyny şöhbetdeşler bellediler we dostlukly gatnaşyklary mundan beýläk-de pugtalandyrmak, hususan-da, ýakynda wagtda geçiriljek möhüm ähmiýetli çäreler barada pikir alyşdylar diýip TDH habar berýär. Söhbetdeşlik türkmen halkynyň şeýle hem türki halklaryň şahyry bolan Magtymguly Pyragynyň doglan gününiň 300 ýyllygyna bagyşlanan giň gerimli çäreler barada boldy.

Türkiýäniň Prezidenti Rejep Taýyp Ärdogan görnükli söz ussadynyň ýubileýi mynasybetli ýurdumyzda we daşary ýurtlarda geçirilýän dabaralara uly gyzyklanma synlaýandygyny aýtdy we beýik şahyra bagyşlanyp Aşgabatda geçiriljek halkara forumyň üstünlikli geçmegini arzuw etdi. Rejep Taýyp Ärdogan Prezident Serdar Berdimuhamedowa mähirli salamyny we iň gowy arzuwlaryny beýan etdi.

Türkmenistanyň Halk Maslahatynyň Başlygy Rejep Taýyp Ärdoganyň Magtymguly Pyragynyň döredijilik mirasyny öwrenmekde we geljek nesillere ýetirmekde mynasyp goşant goşandygyny nygtady. Türkmen halkynyň Milli Lideri Türkiýe Respublikasynyň Prezidenti Rejep Taýyp Ärdoganyň bu ugurda bitiren hyzmatlaryny hem-de türkmen we türk halklarynyň arasynda dost-doganlygy berkitmäge goşan uly şahsy goşandyny nazara alyp, Türkmenistanyň Prezidentiniň doganlyk ýurduň Baştutanyny “Magtymguly Pyragynyň 300 ýyllygyna” atly ýubileý medaly bilen sylaglaýandygyny habar berdi.

Türkmen halkynyň Milli Lideri maşgalasy Ogulgerek Berdimuhamedowanyň adyndan Emine Ärdogana salamyny we iň gowy arzuwlaryny ýetirmegi haýyş etdi.

Gurbanguly Berdimuhamedow Türkiýe Respublikasynyň Prezidente özi üçin islendik amatly wagtda sapar Türkmenistana gelip görmegine garaşýandygyny aýtdy.

ORIENT news