Gruziýada CASCA+ mutlimodal ugruny ösdürmek meseleleri boýunça nobatdaky duşuşyk geçirildi

07.09.2024 | 07:26 |

5-6-njy sentýabr aralygynda Gruziýanyň Batumi şäherinde CASCA + “Aziýa-Ýuwaş umman sebiti-Hytaý-Gyrgyzystan-Özbegistan-Türkmenistan-Azerbaýjan-Gruziýa-Türkiýe-Ýewropa” halkara multimodal ugruny ösdürmek boýunça Gyrgyzystanyň, Özbegistanyň, Türkmenistanyň, Azerbaýjanyň, Gruziýanyň we Türkiýäniň demirýol dolandyryşyň ýolbaşçylarynyň nobatdaky altytaraplaýyn duşuşygy geçirildi.

Türkmen wekiliýetine “Demirýol” açyk görnüşli paýdarlar jemgyýetiniň Baş direktorynyň orunbasary S.Nurberdiýew ýolbaşçylyk etdi.

07092024-casca (1).jpg

Duşuşygyň dowamynda taraplar logistik edaralarynyň arasynda halkara hyzmatdaşlygy giňeltmek we pugtalandyrmak, CASCA+ ulag geçelgesini işjeňleşdirmek, awtoulag, deňiz, demirýol we howa gatnawlarynda ulag mümkinçiliklerini dumruşa geçirmek maksady bilen gatnaşyjy ýurtlaryň arasynda tejribe alyşmak meselelerini ara alyp maslahatlaşdylar.

Gatnaşyjylar demirýol ulagy we logistika ýaly ileri tutulýan ugurlar boýunça hyzmatdaşlygyň dünýä ykdysadyýetiniň ählumumylaşma we ählumumy durnukly ösüş şertlerinde pozitiw goşulyşma prosessleriniň aýrylmaz bölegi hökmünde çykyş edýändigi barada aýratyn belläp geçdiler.

Duşuşygyň netijesinde multimodal ugrunyň mundan beýläk ösdürilmegine hem-de taraplaryň netijeli hyzmatdaşlygynyň pugtalandyrylmagyna gönükdirilen Teswirnama gol çekildi.

07092024-casca (3).jpg