Türkmenistan ÝUNESKO-nyň Aziýa we Ýuwaş umman sebiti üçin «Dünýäniň hakydasy» komitetiniň 10-njy mejlisine gatnaşýar
09.05.2024 | 12:36 |
ÝUNESKO-nyň işleri boýunça Türkmenistanyň milli toparynyň jogapkär sekretary Çynar Rustemowa Mongoliýanyň paýtagty Ulan-Batorda geçirilýän ÝUNESKO-nyň Aziýa we Ýuwaş umman sebiti üçin «Dünýäniň hakydasy» komitetiniň 10-njy mejlisine (MOWCAP) gatnaşýar.
Bu çäre Mongoliýanyň Medeniýet ministrligi we ÝUNESKO-nyň işleri boýunça Mongoliýanyň milli topary tarapyndan bilen bilelikde guralýar.
Mejlise ÝUNESKO-nyň düzümine girýän 23 ýurtdan wekiller gatnaşýar.
Nobatdaky mejlisiň açylyş dabarasynda Aziýa we Ýuwaş umman sebiti boýunça komitetiniň başlygy Kwibae Kim we Mongoliýanyň Medeniýet ministri Çinbatyn Nomin çykyş etdi.
Mejlise gatnaşyjylar MOWCAP maksatnamasynyň çäklerinde ÝUNESKO agza ýurtlaryň milli toparlary tarapyndan ýerine ýetirilen işler bilen tanyşdylar. Türkmenistanyň milli toparynyň jogapkär sekretary ÝUNESKO-nyň «Dünýäniň hakydasy» maksatnamasyny durmuşa geçirmek üçin ýurduň soňky üç ýylda eden tagallalary baradaky syn bilen çykyş etdi.
1998-nji ýylda döredilen ÝUNESKO-nyň Aziýa we Ýuwaş umman sebiti üçin «Dünýäniň hakydasy» komiteti ÝUNESKO-nyň ählumumy «Dünýäniň hakydasy» başlangyjynyň bir bölegidir. Onuň esasy maksady Aziýa we Ýuwaş umman sebitiniň dokumental mirasynyň goralmagyny we oňa elýeterliligi üpjün etmekde, şeýle hem onuň ähmiýeti baradaky bilimleri artdyrmakdan ybaratdyr.
Häzirki wagtda bu sebitiň halklarynyň dokumental mirasynyň milli ýadygärliklerini gorap saklamak bilen meşgullenýan köp sanly kitaphanalar, arhiwler we beýleki edaralar hereket edýär.
ORIENT news
