Biz ýakynlaşmagy ugur edinýäris

Türkmenistanyň Döwlet medeniýet merkeziniň Mukamlar köşgünde opera aýdymçylaryň we tansçylaryň gatnaşmagynda Türkmen-Awstriýa bilelikdäki simfoniki orkestriniň konserti geçirildi. Bu barada “ORIENT-iň” habarçysy mälim edýär.

Konsert çykyşlary Resul Gylyjowyň ýobaşçylyk etmegindäki orkestriň kompozitor Nury Halmämmedowyň sazlaryny ýerine ýetirmegi bilen badalga aldy. Soňra professor Wolfgang Hareriň dirižýorlyk etmeginde awtriýa sazlary ýerine ýetirildi. Ol 14 ýyl munda ozal, “Galkynyş” türkmen-awstriýa bilelikdäki orkestrini esaslandyryjylaryň biridir.

Şol gün säher bilen bolan söhbetdeşlikde professor Gylyjow bilen öňden gelýän dostlugy, onuň bilen işlemegiň uly hormatdygyny aýtdy. Gürrüňiniň barşynda, ol Resulyň Wena professoryň öýünde myhman bolşy we professoryň özüniň Aşgabatda Resulyň öýünde agşamlyk edişi barada ýakymly ýatlamalary gürrüň berdi. Olar häzir hem birek-biregň ellerini gysyp, konserte gelen tomaşaçylar bilen surata düşýärler.

Ol söhbetdeşliginde ähli adamlary jadylamaga we baglanyşdyrmaga ukyply sazyň güýji barada gürrüň berdi. “Saz bar ýerde düşündiriş gerek däl” dýlen sözleri onuň gapdalynda oturan Wenanyň meri Omar Al-Rawi hem aňryýany bilen goldady.

Al-Rawi iki ýurduň arasyndaky hyzmatdaşlygyň işewürlik, energetika, ekologiýa we şähergurluşyk pudaklarynda yzygiderli ösdürilýändigini belledi. Şeýle hem, medeni gatnaşyklaryň berk binýady ýola goýuldy. Türkmen-awstiýa jemgyýeti şolaryň esasylarynyň biridir. Onuň ýolbaşçysy – Neda Berger biziň gürrüňimize goşuldy. 70 ýaşdan geçendigine garamazdan, ol örän işeňňir we medeni çäreleri geçirmäge taýýar. Onuň konsertde eden çykyşyny “Salawmaleýkum, Türkmenistan” sözleri bilen başlamagyny hemmeler gyzgyn garşyladylar.

Myhmanlar hususan-da, bu ýeriniň howasyny haladylar. Çö ýerinde ýerleşýändigine garamazdan, bu ýeriniň salkyn howasy bolup, daş-töwerek ýaşyl begrese beslenen. Awstriýa sahnasynyň görnükli wekilleri Regina Hengel we Lewente Günduza tomaşaçylaryň öňünde ýatdan çykmajak çykyşlary ýerine ýetirdiler. Awstriýa balçysy Dimitar Ştefanin Aşgabadyň gözelliklerine haýran galyp surata düşürýär. Onuň Wesela Dimowa bilen bilelikde ýerine ýetiren tans çykyşlary şowhunly el çarpyşmalara beslendi.

Türkmen we awstriýa zehinleriniň gezekli-gezegine ýerine ýetiren çykyşlary 2 sagada golaýlan konserti şeýle çalt geçdi. Şol agşam awstriýaly wekiller Aşgabatda öz ýurtlaryna bakan ýola düşdüler. Gitmezinden öň bolsa, indiki gezek has-da ajaýyp çykyşlary sowgat getirjekdiklerine söz berdiler.

Arslan Mämmedow

Foto: orient.tm