Türkmen wekiliýeti Bütündünýä haýwanlaryň saglygyny goraýyş guramasynyň Pariždäki mejlisine gatnaşýar
25.05.2023 | 23:12 |
Şu günler Parižde Bütündünýä haýwanlaryň saglygyny goraýyş guramasynyň (OIE) her ýyl geçirilýän 90-njy mejlisi öz işini dowam edýär. Foruma agza döwletiň 182-siniň wekilleri, şeýle-de halkara guramalaryň bilermenleri gatnaşýar. Türkmenistana bu maslahatda ýurdumyzyň Döwlet weterinariýa gullugynyň ýolbaşçylary wekilçilik edýär.
Pariž duşuşygyna gatnaşyjylar ýabany haýwanat dünýäsiniň ähliumumy möçberde goralmagyna aýratyn üns berdiler. 2022-nji ýyl üçin 7-nji OIE Global meýilnamasynyň ýerine ýetirilişi barada guramanyň Baş müdiri Monik Elua, şeýle hem OIE we FAO-nyň ýokary derejeli wekilleri hasabat bilen çykyş etdiler.
Bilermenler mejlisde dünýädäki haýwan keselleriniň arasynda epizootik ýagdaýy mowzugyna-da garadylar. Mundan başga-da, Türkmenistanyň Daşary işler ministrliginiň saýtynda çap edilen metbugat beýanatyna görä, maslahatyň barşynda administratiw we tehniki kararlar kabul edildi.
ORIENT news
Foto: Türkmenistanyň DIM
Şeýle hem okaň:
10.01.2025
|08:50
09.01.2025
|13:28
