Biz ýakynlaşmagy ugur edinýäris

XX asyr adamzadyň taryhynda iň gan döküşikli döwür boldy – iki jahan urşy we üçinji jahan urşuna sebäp bolup biläýjek birnäçe kynçylykly wakalar…

Halklaryň taryhynda milli hakydanyň çäginden çykýan wakalar bar. Şeýle wakalaryň biri hem Hytaýyň halk-azat edijilik goşunynyň we bütin hytaý halkynyň ýapon harby hereketlerine garşy uruşda gazanan ýeňşidir.

Laýyk 80 ýyl mundan ozal bu köp garaşylan waka bolup geçdi. Bu ýubileý – diňe bir geçmişe hormat bolman, eýsem tutuş adamzada agzybirligiň güýji we geljekki nesilleriň öňündäki jogapkärçilik baradaky ýatlatmadyr.

Bu uruş, umuman Ikinji jahan urşy ýaly, halklaryň öz arasyndaky göreş däl-de, eýsem bütin adamzadyň agressiýanyň güýjüne we weýrançylyga garşy göreşidi. Hytaý, Sowet Soýuzy, Amerikanyň Birleşen Ştatlary, Beýik Britaniýa we beýleki köp ýurt bu ýeňşe öz goşantlaryny goşdular. Syýasy ulgamdaky we dünýägaraýyşdaky tapawutlara garamazdan, olar parahatçylygy, erkinligi we adam mertebesini goramak üçin birleşmegi başardylar.

Hytaý halky uly pidalar çekdi, ýöne onuň berkligi we gaýduwsyzlygy Aziýada harby hereketlere garşy gazanylan ýeňşiň esasy faktory boldy. Bu hem duşuşygyň başynda görkezilen dokumental film arkaly aýdyň görkezildi. Halkara goldawy subut etdi: taryhda iň kyn pursatlarda adamzadyň milli bähbitlerden ýokary çykmak we beýik maksadyň hatyrasyna birleşmek ukybyny talap edýär.

Bu gün, birnäçe onýyllyklar geçen soň, şol urşyň sapaklary has möhüm bolup eşidilýär. Dünýä häzir-häzirlerem güýç we zorluk synagyň dialoga we hyzmatdaşlyga garşy durýan kynçylyklar bilen ýüzbe-ýüz bolýar.

Faşizme we harby hereketlere garşy göreşiň hakydasy bize ýatladýar: hakyky güýç – diňe ýaragda däl, eýsem raýdaşlykda; duşmançylykda däl, biri-birimizi diňläp bilmek ukybyndadyr.

Ýeňşiň ýubileýi – bir tarapdan gahrymançylyk baradaky ýatlama bolsa, ikinji tarapdan bolsa – agzybirlige çagyryşdyr. Bu ynanç, tapawutlara garamazdan, Ýer ýüzüniň halklarynyň umumy gymmatlyklary tapyp biljekdigine, parahatçylygy gorap saklap, ynanyşmaga esaslanýan geljegi gurup biljekdigine ynamdyr.

Ine, şu we beýleki zatlar barada Aşgabatda HHR-iň Türkmenistandaky ilçihanasy tarapyndan gurnalan tegelek stolda gürrüň edildi. Oňa Türkmenistanyň milli, syýasy partiýalaryň parlamentiniň ýolbaşçylary we wekilleri hem-de ýaşlar guramalaryň agzalary, köpçülikleýin habar beriş serişdeleri, syýasatçynaslar, işewürler gatnaşdylar.

Dialogyň dowamynda HHR-iň Türkmenistandaky ilçisi Szi Şumin hytaý halkynyň öz watanyny harby agressordan halas etmek ýolunda başdan geçiren agyr synaglary we soýuzdaş güýçleriň köpden bäri garaşylýan ýeňşini ýakynlaşdyrmakda eýelän orny barada gürrüň berdi.

— Bu ýeňşiň iň möhüm sapagy, parahatçylykly ösüş ýolundan gitmegiň zerurlygydyr – diýip, diplomat sözüni jemledi.

— Häzirki wagtda taryhdan çykarylan ajy sapaklaryndan netije çykarmak, parahatçylygy goramak we asuda geljegi gurmak öňkülerden has möhümdir! – diýip, Türkmenistanyň Gahrymany, ÝUNESKO-nyň işleri barada Türkmenistanyň Milli toparynyň jogapkär sekretary Çynar Rustemowa aýtdy.

— Häzirki döwürde halkara sahnasynda Türkmenistan bilen Hytaý parahatçylyk we durnuklylyk ugrunda, Birleşen Milletler Guramasynyň Tertipnamasynda berkidilen ýörelgeleri we kadalara eýermekde tagallalary birleşdirýärler – diýip, Türkmenistanyň Demokratik partiýasynyň başlygy Ata Serdarow öz çykyşynda belledi.

“MEDIA TURKMEN” habarlar agentliginiň ýolbaşçysy Bekdurdy Amansaryýew dürli halklaryň dostlugynyň gözbaşlary, diňe bir güýçli duşmana garşy bilelikde göreşen däl, eýsem häzirki döwürde hem ikitaraplaýyn gatnaşyklaryň taryhy baglanyşyklary we ösüşi barada gürrüň berdi.

…1945-nji ýyldaky faşizme we harby hereketlere garşy gazanylan ýeňşi ýatlamak bilen biz diňe geçmişe däl, eýsem geljege hem seredýäris.

Geçmişe nazar aýlanyňda, iň agyr döwrüň özünde hem halklaryň özara düşünişmäge we bilelikde gahrymançylyga güýç tapandygyny görýäris. Hytaýyň we onuň soýuzdaşlarynyň ýeňşi diňe harby ýeňiş däl, eýsem ýagşylygyň we adalatyň agressiýadan güýçlidigine bolan ynamyň nyşanydyr.

Bu taryh bize öwredýär, ýagny dürli medeniýetler, döwletler we halklar beýik maksat – adamzady we Ýer ýüzünde parahatçylygy goramak üçin birleşip biler.

Eger bu XX asyryň ortasynda mümkin bolan bolsa, häzirki döwürde has ýokary mümkinçilikleriň we hyzmatdaşlygyň döwri bolansoň – has hem mümkin.

Parahatçylyk – bu biziň başymyza ýokardan inen zat däl. Bu her birimiziň gün-günden, sagat saýyn edýän saýlawymyz.

Şübhelenmegiň ýerine ynamy, weýrançylygyň ýerine döredijiligi, ýigrenjiň ýerine hakyky hormaty saýlamak.

Ýeňşiň ýubileýi – bu biziň planetamyz hemmämiziň umumy öýümizdigini ýatladýar.

Biz dürli-dürli, ýöne şu tapawutlaryň özi biziň baýlygymyz. Şonuň üçin-de biz birmeňzeş: uruşsyz, weýrançylyksyz ýaşamak isleginde. Çagalarymyzyň we agtyklarymyzyň bagtly geljegine ymtylmakda.

Halklar ýagşylyk we adalat ugrunda birleşende, hiç bir weýrançylyk güýji adamzady ýeňip bilmez.

Parahatçylyk – biziň umumy saýlawymyz!

ORIENT

Foto: orient.tm