Turkish Airlines Stambul – Sewilýa ugry boýunça göni uçar gatnawlaryny açýar Orient

Turkish Airlines Stambul – Sewilýa ugry boýunça göni uçar gatnawlaryny açýar

28.08.2025 | 09:52 |

2025-nji ýylyň 17-nji sentýabryndan başlap, «Turkish Airlines» howa ýollary kompaniýasy Stambul – Sewilýa (SVQ) – Stambul ugry boýunça yzygiderli uçar gatnawlaryny ýola goýýar. Gatnawlar hepdäniň ýedi gününiň dowamynda amala aşyrylar.

Tertibe laýyklykda, TK1297/1298 gatnawlary duşenbe, çarşenbe we şenbe günleri ýerine ýetiriler, TK1299/1300 gatnawlary bolsa sişenbe, penşenbe, anna we ýekşenbe günleri ýerine ýetiriler.

Stambuldan uçar (TK1297) — 06:55-de ugrap, Sewilýa 10:45-de ýetýär. Yzyna dolanýan uçar (TK1298) — 11:45-de Sewilýadan ugrap, Stambula 17:15-de gelýär.

Goşmaça gatnawlar (TK1299/1300) Stambuldan 13:50-de uçup, Sewilýa 17:40-da ýetýär, yzyna dolanýan gatnaw bolsa 18:40-da Sewilýadan ugrap, 00:10-da Stambula gelip gonýar.

Aşgabatdaky «Türk howa ýollary» edarasynda bellenilişi ýaly, täze açylan ugur Türkiýe bilen Ispaniýanyň arasyndaky howa gatnawlaryny berkitmäge hem-de syýahatçylyk we iş saparlary üçin amatly mümkinçilikleri döretmäge hyzmat eder.

«Türk howa ýollary» awiakompaniýasynyň biletlerini şu salgydaky satuw edarasyndan satyn alyp bolýar:

G. Kuliýew köçesi, 39-njy jaý, «Ussat» binasy.

Elektron poçta: askabatbiletsatis@thy.com

Awiakompaniýanyň sahypasy: https://www.turkishairlines.com/