Biz ýakynlaşmagy ugur edinýäris

Türkmenistan barada ýörite gepleşigi taýýarlamak üçin Aşgabada Ýaponiýanyň Mainichi Broadcasting System, Inc. mediaholdingiň ýazgy edýän topary geldi. Bu barada Ýaponiýadaky Türkmenistanyň ilçihanasy özüniň sosial ulgamlaryndaky sahypasynda habar berýär.

Taslama Ýaponiýanyň Osaka şäherinde geçiriljek “Expo 2025 Bütindünýä sergisine” taýýarlygyň çäklerinde durmuşa geçirilýär. Gepleşikde Türkmenistanyň medeni mirasy, onuň ykdysady mümkinçilikleri hem-de döwletimiziň halkara başlangyçlara goşýan goşandy barada aýdylar. Ýaponiýanyň ýazgy edýän topary ýurduň özboluşly däp-dessurlaryny, häzirki zaman gazanan üstünliklerini hem-de halkara arenadaky hyzmatdaşlyk mümkinçiliklerini açyp görkezmekçi.

Osakoda “Expo 2025 Bütindünýä sergisi” öz gazananlary we geljege garaýyşlary bilen tanyşdyrmak üçin bütin dünýäden gatnaşyjylary ýygnar. Türkmenistanyň bu çärä gatnaşmagy Ýaponiýa we beýleki ýurtlar bilen gatnaşyklary pugtalandyrmak, şeýle hem ählumumy derejede ýurduň innowasiýalaryny we maýa goýum mümkinçiliklerini öňe sürmek üçin şert döreder.

ORIENT News

Foto: Ýaponiýadaky Türkmenistanyň ilçihanasy