Biz ýakynlaşmagy ugur edinýäris

Astrahanda öz işini tamamlanan “БерегА” Halkara okuw maslahatynyň çäklerinde Halkara dostluk kluby açyldy. Bu barada Astrahan oblastynyň hökümet edaralarynyň portaly habar berýär.

“Коса” ýaşlar merkezinde geçirilen dabara Maslahatyň işine gatnaşan Türkmenistanyň, Azerbaýjanyň, Eýranyň, Gazagystanyň, Russiýanyň, Belarusyň we Özbegistanyň ýaş liderleriniň halkara duşuşyk tapgyryna gatnaşyjylary gatnaşdy.

Täze birleşik halkara ýaşlar hyzmatdaşlygynyň ösdürilmegine ýardam etmäge gönükdirilen. Klub “Telekeçilik”, “Media”, “Sebit aýratynlygy”, “Raýat işjeňligi” we “Bileleşikler” ugurlary boýunça öz işini alyp barar. Birleşigiň agzalary bilelikdäki medeni, bilim, sport maksatnamalaryna we durmuş taslamalaryna gatnaşar. Halkara dostluk klubynyň işiniň ugrukdyryjysy hökmünde “Halkara ýaşlar hyzmatdaşlygy” taslama edarasy çykyş eder. Onuň düzüminde ýaşlar, halkara, maglumat syýasaty, bilim we medeniýet ugurlar boýunça ýerine ýetirji ederasynyň wekilleri bolar.

Hazarýaka ýurtlarynyň liderleriniň halkara duşuşyk tapgyrynya gatnaşyjylary Hazar sebitini ýaşlaryň ösüşiniň we mümkinçilikleriniň çägi hökmünde tanyşdyrmagyň taslamasyny hem-de Halkara dostluk klubynyň nyşanynyň görnüşini hödürlediler. Astrahan oblastynyň jemgyýetleriniň milli-medeni sergisi hem gurnaldy.

ORIENT news

Foto: astrobl.ru