Aşgabatda Koreýanyň medeniýet günleri geçiriler
23.10.2023 | 16:40 |
Aşgabatda, 3-5-nji noýabr aralygynda Koreýanyň medeniýet günleri geçiriler. Bu barada ORIENT-iň habarçysyna Günorta Koreýanyň Türkmenistandaky ilçihanasynda habar berildi.
Koreýanyň medeniýet günleri Magtymguly adyndaky sazly drama teatrynda konsert bilen başlar. Üçünji noýabrda paýtagtyň ýaşaýjylary we myhmanlary "ONDO" sazandalar toparynyň çykyş etjek konsertine çagyrylýar. Topar dürli koreý sazlaryny, şol sanda meşhur K-Pop aýdymlaryny ýerine ýetirer. Giriş mugt. Başlanýan wagty sagat 19:00-da.
4-5-nji noýabr aralygynda Koreý filmleriniň festiwaly geçiriler.
Iki gün dowam etjek film görkeziş maksatnamasynda soňky ýyllarda koreý kinorežissýorlary tarapyndan döredilen doly göwrümli çeper filmler bolar.
4-nji noýabr:
• в 15:00 "Beýsbol oýunçysy"
• в 17:00 "Diwa"
• в 19:00 "Gizlin haýwanat bagy"
5-nji noýabr:
• в 10:00 "Diwa"
• в 12:00 "Gizlin haýwanat bagy"
• в 19:00 "Beýsbol oýunçysy"
Subtitrler rus dilinde. Kinolara giriş mugt.
ORIENT news
Foto: Redaksiýa arhiwinden
Şeýle hem okaň:
