Biz ýakynlaşmagy ugur edinýäris

11-12-nji oktýabrda Astrahan şäherinde Nebitgaz pudagynda ýaşlaryň ylmy we tehnikasy boýunça ikinji halkara forumy geçiriler. "Hazar - üstünligiň deňzi" diýlip atlandyrylýan pudaklaýyn forum hususanda, hazarýaka döwletleriň nebitgaz pudagyndaky alymlaryny, mugallymlaryny we ýaş hünärmenlerini bir ýere jemlär.

Russiýa Federasiýasynyň Astrahan oblast Hökümetiniň we bu sebitiň ylym we bilim edaralary tarapyndan guralýan foruma hazarýaka döwletleriniň nebitgaz kompaniýalary, ýokary okuw mekdepleri we ylmy merkezleri gatnaşarlar.

Ylmy-tehniki forumyň çäklerinde "tegelek stol" maslahatlary, plenar mejlisler, maslahatlar we nebitgaz toplumynda ileri tutulýan ugurlarda ara alyp maslahatlaşmalar guralar. Hazarýaka döwletleriniň ýaş alymlarynyň, mugallymlarynyň, inženerleriniň we hünärmenleriniň forumy geçen ýyl uly gyzyklanma döredipdi.

ORIENT news

Foto: a24.press