Adriatiküsti turba geçirijisi arkaly Ýewropa iberilýän gazyň möçberi aýan edildi

29.03.2023 | 11:27 |

Täjirçilik taýdan işe girizilip başlan wagtyndan bäri Adriatiküsti turba geçirijisi (TAP) arkaly Ýewropa daşalýan gazyň möçberi 22 mlrd kub metre deň boldy– diýip, TAP-yň dolandyryjy direktory Luka Skýepattä salgylanyp, Trend habar berýär.

«Biz Ýewropa 22 mlrd kubometrden gowrak gaz iberdik. Bazar islegini kanagatlandyrmak üçin biz 2022-nji ýylyň fewral aýynyň ortasyndan başlap, doly güýçde işlemäge golaýladyk we gysgamöhletleýin kuwwatlygy ýokarlandyrmak üçin täjirçilik önümlerini işläp düzdük» - diýip, Ýewropa gaz maslahatynda çykyş etmek bilen ol beýan etdi.

Günorta gaz geçelgesiniň Ýewropa bölegi bolan Adriatiküsti turba geçirijisinden her ýylda 8 milliard kub metr gaz Italiýa iberilýär we 1 milliard kub metr – Gresiýa we Bolgariýa iberilýär.

2020-nji ýylyň 31-nji dekabrynda Azerbaýjanyň mawy ýangyjynyň Günorta gaz geçelgesi arkaly Ýewropa iberilmegine badalga berlipdi.

ORIENT habarlar