Türkmenistanyň, Türkiýäniň we Azerbaýjanyň liderleri Awazada duşuşarlar
Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Ankarada Türkiýäniň prezidenti Rejep Taýyp Ärdogan bilen duşuşdy.
Habarlar
Prezident Serdar Berdimuhamedow TÜRKSOÝ-nyň Baş sekretaryny kabul etdi
Döredijilik we ylmy alyş-çalyşlar, umumy mirasy öwrenmek we dünýä ýaýmak ugrundaky özara gatnaşyklar Türkmenistanyň Prezidenti Serdar Berdimuhamedow bilen Türki medeniýetiniň halkara guramasynyň Baş sekretary Soltan Raýewiň arasyndaky söhbetdeşligiň esasy mowzugy boldy.
Maýa goýumlar we täze taslamalar – türkmen-koreý parlament gepleşiklerinde ara alnyp maslahatlaşylan meseleler boldy
Türkmen Parlamentiniň Ýokary palatasynyň başlygy Gurbanguly Berdimuhamedow bilen geçirilen gepleşiklerde Koreýa Respublikasynyň Milli Assambleýasynyň başlygy Kim Çžin Phýo maýa gýoumlaryň kepillikleri hakynda ylalaşygyň baglaşylmagynyň iki ýurduň arasyndaky maýa goýum işjeňligini höweslendirer diýip aýtdy hem-de taraplaryň bu resminamanyň üstünde tizräk işlemeginiň zerurdygyny belledi.
Türkmenistan we Koreýa Respublikasynyň parlamentleri hyzmatdaşlyk etmek hakynda Ähtnama gol çekerler
Türkmen parlamentiniň ýokarky palatasy Milli Geňeşiň Halk Maslahatynyň Başlygy Gurbanguly Berdimuhamedowyň Koreýa Respublikasyna bolan resmi iş saparynyň barşynda Günorta Koreýanyň parlamenti bilen hyzmatdaşlyk etmek hakynda Ähtnama gol çeker. Bu barada TDH agentligi habar berýär.
Türkmenistan bilen Koreýa Respublikasy parlamentleriň arasynda hyzmatdaşlyk etmek hakynda Ähtnama gol çekdiler
Seulda bolan iş saparynyň çäklerinde Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow we Koreýa Respublikasynyň Milli Assambleýasynyň Başlygy Kim Jin Pyo iki ýurduň parlamentleriniň arasynda hyzmatdaşlyk etmek hakynda Ähtnama gol çekdiler. Bu barada TDH agentligi habar berýär.
Türkmenistan Owganystanda guran Saglyk öýünde düýpli abatlaýyş işlerini geçirdi
Owganystanyň Faryab welaýatynyň Garamgol etrabynda Türkmenistanyň hökümeti tarapyndan 2009-njy ýylda gurlan Saglyk öýüniň durkunyň düýpli abatlanyp berilmegi bilen bagly dabaraly resmi çäre geçirildi. Ýurtda soňky döwürde bolup geçen wakalar sebäpli, saglygy goraýyş edarasyna zyýan ýetdi we şol sebäpli, türkmen hökümeti tarapyndan onuň doly abatlanmagyna we enjamlaşdyrylmagyna serişde bölünip berildi, şeýle hem, ynsanperwer kömegi hökmünde owgan tarapyna medisina enjamlary, derman serişdeleri gowşuryldy.
Asahi: Merkezi Aziýa ýurtlarynyň daşary işler ministrleri 23-nji dekabrda Ýaponiýanyň premýer-ministri bilen duşuşarlar
24-nji noýabrda Tokioda Liberal-demokratik partiýasynyň agzalaryndan ybarat Ýapon-Merkezi Aziýa parlament dostluk ligasynyň ilkinji mejlisi geçirildi. Ýaponiýanyň dolandyryjy partiýasynyň wise-prezidenti Taro Aso tarapyndan ýolbaşçylyk edilýän parlament topary Merkezi Aziýa sebitiniň bäş ýurdy: Gazagystan, Gyrgyzystan, Türkmenistan, Täjigistan we Özbegistan bilen gatnaşyklary berkitmek üçin döredildi – diýip, "Asahi" gazeti ýazýar.
Türkmen hünärmenleri ösümlikleri goramak boýunça halkara talaplary öwrendiler
Türkmen hünärmenleriniň gatnaşmagynda Merkezi Aziýada Serhetleri dolandyrmak Maksatnamasynyň sebitleýin okuw maslahatynda (BOMCA 10) Ösümlikleri goramak boýunça halkara konwensiýasynyň (IPPC) talaplary ara alnyp maslahatlaşyldy. Bu barada maksatnamanyň web saýty habar berýär.
Türkmenistanyň Baştutanynyň Kararlary bilen birnäçe şäher we etrap dolandyryş-çäk bölünişigi üýtgedildi
Anna güni Türkmenistanyň Prezidenti Kararlara gol çekdi. Resminamalara laýyklykda, ýurduň sebitleriniň dolandyryş-çäk bölünişigindäki üýtgeşmeler bilen baglylykda:
Türkmen şahyrlarynyň eserleri "Türk edebiýatynyň dürleri" atly kitaplar ýygyndysyna goşuldy
Türkmen şahyrlarynyň meşhur eserleri 100 tomdan ybarat bolan "Türk edebiýatynyň merjenleri" atly kitaplar ýygyndysyna goşuldy, ol Türk dünýäsiniň nusgawy eserleriniň saýlanan goşgularyny öz içine alýar. Bu barada Türki döwletleriň guramasynyň resmi web saýty habar berýär.
BAE-niň wekiliýeti Türkmenistanda bilelikdäki işewürler geňeşini döretmek meselesini ara alyp maslahatlaşar
Ministrler Kabinetiniň anna güni geçirilen mejlisinde wise-premýer, Türkmenistanyň Daşary işler ministri Raşid Meredow, ýakyn wagtda Birleşen Arap Emirlikleriniň Senagat we ösen tehnologiýalar ministriniň ýolbaşçylygyndaky wekiliýetiniň Türkmenistana iş saparyny amala aşyrmagy meýilleşdirýändigini belledi.
Gyrgyzystanyň öňki Daşary işler ministriniň orunbasary Gyrgyzystanyň Türkmenistandaky ilçisi wezipesine bellendi
Gyrgyzystanyň Daşary işler ministriniň orunbasary wezipesini ýerine ýetiren Azizbek Madmarow Gyrgyzystanyň Türkmenistandaky ilçisi wezipesine bellendi. Prezident Sadyr Japarow buýruga gol çekdi. Bu barada Gyrgyzystanyň döwlet baştutanynyň metbugat gullugy habar berýär.
Türkmenistanyň täze kanuny notarial işini amala aşyrmagyň elektron resminamalarynyň tertibini düzgünleşdirer
Türkmenistanyň "Notariat we notarial işi hakynda" täze kanuny notarial işini amala aşyrmagyň elektron resminamalarynyň tertibini we kanuny güýjüni düzgünleşdirer. Bu barada türkmen metbugatynda şu günki çap edilen kanunyň tekstinde habar berilýär.
Beýik Britaniýanyň ilçisi Mary welaýatynyň bilim edaralarynda dünýä howa barada leksiýa okady
Iki ýurduň arasyndaky diplomatik gatnaşyklaryň ýola goýulmagynyň 30 ýyllygynyň bellenilmeginiň çäklerinde Beýik Britaniýanyň Türkmenistandaky ilçisi Lýusiýa Waýld Mary welaýatyna baryp gördi.
Türkmenistan GDA-da senagat howpsuzlygy pudagyndaky hyzmatdaşlygy ara alyp maslahatlaşdy
Türkmenistanyň GDA-daky hemişelik doly ygtyýarly wekili Nazarguly Şagulyýew Minskde geçirilen Arkalaşygyň kanuny we beýleki guramalaryna degişli Arkalaşygyň agza döwletleriniň hemişelik wekilleriniň geňeşiniň nobatdaky maslahatyna gatnaşdy. Bu barada GDA-nyň Ýerine ýetiriji komitetiniň saýty habar berýär.
