Türkmenistanyň Baştutanynyň Kararlary bilen birnäçe şäher we etrap dolandyryş-çäk bölünişigi üýtgedildi
Anna güni Türkmenistanyň Prezidenti Kararlara gol çekdi. Resminamalara laýyklykda, ýurduň sebitleriniň dolandyryş-çäk bölünişigindäki üýtgeşmeler bilen baglylykda:
Ahal welaýatynda – Tejen şäheriniň administrasiýasyny (häkimlik) ýatyrmak;
Balkan welaýatynda – Serdar etrap häkimliginiň adyny üýtgedip, ony Gyzylarbat etrap häkimligi diýip atlandyrmak. Serdar, Gumdag we Hazar şäher häkimliklerini hem-de Türkmenbaşy şäheriniň Kenar etrap häkimliklerini ýatyrmak;
Daşoguz welaýatynda – S.A.Nyýazow adyndaky etrap häkimliginiň adyny üýtgedip, ony Daşoguz welaýatynyň Şabat etrap häkimligi diýip atlandyrmak. Şeýle hem Gubadag, Gurbansoltan eje adyndaky etrap häkimliklerini hem-de Köneürgenç şäher häkimligini ýatyrmak;
Lebap welaýatynda – Farap we Döwletli etrap häkimliklerini ýatyrmak;
Mary welaýatynda – Serhetabat we Oguzhan etrap häkimliklerini ýatyrmak tabşyryldy.
ORIENT news
