Asahi: Merkezi Aziýa ýurtlarynyň daşary işler ministrleri 23-nji dekabrda Ýaponiýanyň premýer-ministri bilen duşuşarlar
24-nji noýabrda Tokioda Liberal-demokratik partiýasynyň agzalaryndan ybarat Ýapon-Merkezi Aziýa parlament dostluk ligasynyň ilkinji mejlisi geçirildi. Ýaponiýanyň dolandyryjy partiýasynyň wise-prezidenti Taro Aso tarapyndan ýolbaşçylyk edilýän parlament topary Merkezi Aziýa sebitiniň bäş ýurdy: Gazagystan, Gyrgyzystan, Türkmenistan, Täjigistan we Özbegistan bilen gatnaşyklary berkitmek üçin döredildi – diýip, "Asahi" gazeti ýazýar.
"Strategiki diplomatiýany ösdürmegiň çäklerinde Merkezi Aziýa ýurtlarynyň prezidentleri we premýer-ministrleri bilen yzygiderli duşuşyklary geçirmek isleýäris" – diýip, Taro Aso Ýapon-Merkezi Aziýa parlament dostluk ligasynyň ilkinji mejlisinde eden çykyşynda aýtdy.
23-nji dekabrda Merkezi Aziýa ýurtlarynyň bäşisiniň daşary işler ministrleri Ýaponiýa baryp, premýer-ministr Fumio Kisida bilen duşuşarlar – diýip, Asahi habar berýär. Ara alyp maslahatlaşyljak meseleleriň biri Merkezi Aziýa we Ýaponiýa döwletleriniň ýolbaşçylarynyň duşuşygyna taýýarlyk işleri bolup biler diýlip çaklanylýar.
ORIENT news
