Türkmenistan we Koreýa Respublikasynyň parlamentleri hyzmatdaşlyk etmek hakynda Ähtnama gol çekerler
Türkmen parlamentiniň ýokarky palatasy Milli Geňeşiň Halk Maslahatynyň Başlygy Gurbanguly Berdimuhamedowyň Koreýa Respublikasyna bolan resmi iş saparynyň barşynda Günorta Koreýanyň parlamenti bilen hyzmatdaşlyk etmek hakynda Ähtnama gol çeker. Bu barada TDH agentligi habar berýär.
Koreýanyň Türkmenistandaky ilçisi Şin Sung-çul Seula resmi sapara gitmezden ozal geçirilen söhbetdeşlikde türkmen parlamentiniň ýokarky palatasynyň Başlygy ikitaraplaýyn gazanylan ylalaşyklaryň strategiki hyzmatdaşlygy ösdürmekde ähli ugurlarda giň mümkinçiliklere ýol açjakdygyna ynam bildiripdi.
Taraplar soňky ýyllarda gazanylan özara hyzmatdaşlygyň tejribesi we özara netijeli taslamalaryň birnäçesini durmuşa geçirmek üçin giň mümkinçilikleriň döredilmegine esas bolup durýan türkmen-koreý parlamentara gatnaşyklarynyň ähmiýetine örän uly üns berdiler.
Halk Maslahatynyň Milli Geňeşiniň Başlygynyň Seula boljak resmi iş saparynyň çäklerinde Koreýa Respublikasynyň Prezidenti, Milli Assambleýasynyň başlygy we ýurduň beýleki resmi adamlary bilen duşuşjakdygy habarda bellenilýär.
ORIENT news
Surat: ria.ru
