Biz ýakynlaşmagy ugur edinýäris

Türkmenistanyň Oguz han adyndaky Inžener-tehnologiýa uniwersitetiniň iki mugallymy öňdebaryjy ylmy tejribe bilen tanyşmak üçin Ýaponiýa ugradyldy. 2025-nji ýylyň 1–17-nji oktýabry aralygynda olar Kawasaki şäherindäki Nanolukmançylyk Innowasiýa Merkezinde (ICONM) okuw maksatnamalaryna gatnaşarlar. Türkmenistan daşary ýurt döwletleri bilen deňhukukly hyzmatdaşlygy işjeň ösdürip, bilim we innowasion tehnologiýalaryna aýratyn üns berýär.

ICONM merkezi nanotehnologiýalar, nanolukmançylyk we nanomateriallar ugrunda öňdebaryjy işläp taýýarlamalar bilen dünýäde tanalýan ylmy-barlag merkezleriniň biridir.

Bu sapar Oguz han adyndaky Inžener-tehnologiýa uniwersiteti bilen Kawasaki Senagat Ösüş Institutynyň arasynda baglaşylan Özara düşünişmek hakyndaky Ähtnamanyň esasynda guraldy. Bu resminama täze ylmy barlaglar bilen tanyşmak üçin yzygiderli hünärmenleriň alyş-çalyşygyny göz öňünde tutýar.

Mugallymlaryň saparynyň esasy maksady – hünär derejesini ýokarlandyrmak, häzirki zaman ylmy usullaryny öwrenmek we bilelikde ylmy taslamalary durmuşa geçirmek üçin pikir alyşmakdyr.

ICONM maksatnamalaryna gatnaşmak Türkmenistanyň ýokary bilim ulgamyny dünýäniň iň gowy tejribeleri bilen baýlaşdyrmakda möhüm goşant bolar. Bu, ýaş inženerleri taýýarlamak işine innowasion usullary ornaşdyrmagyň möhüm ädimidir. Bu bolsa ýurdumyzyň ýolbaşçylarynyň goýan wezipelerine gönüden-göni laýyk gelýär.

ORIENT

Foto: education.gov.tm