Aşgabatda Galkynyş köçesiniň bir böleginde ulag hereketi wagtlaýyn çäklendiriler
05.08.2025 | 23:55 |
Türkmenistanyň Bitaraplygynyň 30 ýyllyk baýramyna taýýarlyk görmek hem-de Berkarar döwletiň täze eýýamynyň Galkynyşy döwründe yglan edilen Halkara parahatçylyk we ynanyşmak ýyly mynasybetli paýtagt Aşgabatda köçeleri abadanlaşdyrmak we abatlamak boýunça giň gerimli işler dowam etdirilýär.
Aşgabat şäher häkimliginiň beren resmi maglumatyna görä, 2025-nji ýylyň 6-njy awgustyndan 31-nji awgustyna çenli Galkynyş köçesiniň Nurmuhammet Andalyp we Alty Garlyýew köçeleriniň arasyndaky böleginde ulaglaryň hereketi wagtlaýyn çäklendirilýär.
Paýtagtymyzyň ýaşaýjylaryna we myhmanlaryna şäher boýunça hereket meýilnamalaryny düzýänlerinde bu çäklendirmeleri göz öňünde tutmak maslahat berilýär.
ORIENT
