Türkmenistanyň maýa goýum mümkinçilikleri Malaziýadaky halkara forumyň üns merkezinde
24.04.2025 | 02:35 |
23-nji aprelde Malaýziýanyň paýtagty Kuala-Lumpur şäherinde Türkmenistanyň ykdysadyýetine daşary ýurt maýa goýumlaryny çekmek boýunça halkara göçme forumy açyldy. Bu waka halkara hyzamatdaşlygyny giňeltmäge we ählumumy maýa goýum bazaryndaky ornuny pugtalandyrmaga gönükdirilen ýurduň ykdysady diplomatiýasynyň strategiýasynda möhüm tapgyr boldy.
Forum gatnaşyjylaryň uly toparyny – Türkmenistanyň Hökümetiniň agzalaryny, 40-dan gowrak ýurduň, halkara guramalaryň, iri kompaniýalaryň, maliýe institutlaryň wekillerini we ugurdaş bilermenleri bir ýere jemledi.
Plenar mejlisler, tegelek stollar we tematiki sessiýalar hyzmatdaşlygyň mümkinçiliklerini hemmetaraplaýyn ara alyp maslahatlaşmak, işewür gatnaşyklaryny ýola goýmak we Türkmenistanyň maýa goýum mümkinçiliklerini tanyşdyrmak üçin meýdança boldy.
Forumyň esasy temasy ýurduň maýa goýum babatynda özüne çekijiligini ýokarlandyrmak boldy. Prezident Serdar Berdimuhamedowyň Gutlag hatynda ýangyç-energetika toplumy, gurluşyk, ulag, sanly tehnologiýalara, senagat, dokma we azyk senagaty ýaly esasy pudaklara maýa goýumlary çekmegiň ähmiýetine üns berildi.
Ekologiýa taýdan durnuklylyk meselesine – hususanda, metan zyňyndylaryny hem-de kömürturşy gazyny azaltmak şeýle hem “ýaşyl” energetikany ösdürmäge aýratyn üns berildi.
Bilermenler foruma gatnaşyjylara Türkmenistanyň energetika, telekommunikasiýa, gurluşyk we bank ulgamlarynda durmuşa geçirilýän taslamalar barada hasabat berdiler. Ykdysadyýeti sanlylaşdyrmak we eksport mümkinçiliklerini giňeltmek boýunça başlangyçlar uly gyzyklanma döretdi.
Forumyň birinji gününiň netijeleri eýýäm hünärmenler tarapyndan üstünlikli diýip baha berildi: bu meýdança täze hyzmatdaşlyklary we bilelikdäki başlangyçlary ýola goýmak üçin iteriji güýç boldy. Forum 24-nji aprelde tamamlanar, ertesi gün bolsa türkmen tarapynyň resmi wekilleriniň häzirki we geljekki maýdarlar bilen duşuşyklar geçiriler.
Bu çäre diňe bir Türkmenistanyň maýa goýum babatdaky özüne çekijiligini ýokarlandyrman, eýsem açyk dialoga we durnukly ösüşe ygrarlydygyny hem tassyklaýar.
ORIENT
