Google Karta ulanyjylary Olimpiýa oýunlary döwründe Parižiň gözel ýerlerini öwrenmäge çagyrýar

05.08.2024 | 10:10 |

Google Karta täzelendi. Programmalar toplumynyň iň soňky täzelenmesi ulanyjylary tomusky Olimpiýa oýunlarynda Fransiýanyň paýtagtynyň meşhur ýerleriniň taryhy görnüşlerini öwrenmäge çagyrýar. Bu barada Google-yň resmi sahypasynda habar berildi.

Bu örän gyzykly tejribe giňeldilen hakykat (AR) tehnologiýalarynyň kömegi bilen mümkin boldy. Bu iş Google Arts & Culture we Ubisoft oýun studiýasy bilen bilelikde amala aşyryldy.

Şeýlelik bilen, Google Kartalardaky käbir meşhur ýerler, şol sanda Eýfel diňi, häzirki wagtda giňeldilen hakykat düwmesine eýe. Ulanyjylar oňa basmak bilen, telefony obýekte tutup, öwrenip bilerler. Parižiň we tutuş Fransiýanyň esasy nyşany bolan Eýfel diňi meselesinde gurluşyň ahyrynda durmuşa geçirilmedik asyl binagärlik düşünjelerini görüp bilersiňiz.

Ulanyjylar telefony Sena kenaryna tutup , 1900-nji ýylda Exposition Universelle halkara segisi üçin gurlan wagtlaýyn gurluşlary görüp bilerler.

Şuňa meňzeş funksiýalar Parižiň Hudaý eneler ybathanasy ýaly beýleki taryhy ýerlerini görmek üçin hem elýeterlidir. Şeýle hem ulanyjylar ýykylmazdan ozal Bastili Sen-Antuan we Týuilri köşgüniň görnüşlerini görüp bilerler.

ORIENT news