Intel Pariž Olimpiadasyndan taryhda ilkinji gezek 8K OTT ýaýlymyny berýär

29.07.2024 | 10:11 |

Parižde başlanan 2024-nji ýyldaky XXXIII tomusky Olimpiýa oýunlarynyň çäklerinde Intel dünýäde ilkinji bolup 8K durulykda OTT ýaýlymyny amala aşyrýar.

Ýokary hilli 8K ýaýlymyny üpjün etmek üçin Intel, Olimpiýa ýaýlym gullugy we beýleki kompaniýalar bilen hyzmatdaşlyk eder.

Iň täze enjam we programma üpjünçiliginiň kömegi bilen täze innowasion emeli aňyň mümkinçiliklerini ulanmak bilen, amerikan tehnologiýa ägirdi başdaky 48 Gbit/s-dan 40-60 Mbit/s çenli gysyşa ýeter.

Maglumat serwerleri Intel AMX EA tizlendiriji bilen enjamlaşdyrylan dördünji nesil Xeon Scalable CPU-laryna, şeýle hem ösen täze bäşinji nesil Xeon Scalable (Emerald Rapids) esaslanýar.

8K ýaýlymyna ýetmek üçin ädimler şulary öz içine alýar:

Käbir Olimpiýa meýdançalarynda kameralar ýokary tizlikli (HDR) sekuntda 60 kadrda 8K-da göni ýaýlymda, 48 Gbit/s tizlik bilen 32 audiokanalar bilen birleşdirilýär.

Iň soňky “Intel Xeon” prosessorlaryň 5-nji nesli bilen işleýän, ýörite döredilen “gutudaky ýaýlym” kodlaýjy, 400 millisekuntdan az wagtyň içinde işlenilmedik kontentlary gaýtadan işleýär we birnäçe sekundyň içinde internetde paýlaýar.

Bütin dünýäde Intel Arc şekil prosessorlary bolan Intel Core i9 prosessorlaryna esaslanýan kompýuterler we Intel Core Ultra 9 prosessorlarynyň binýadynda noutbuklar Olimpiýa ýaýlym hyzmatynyň mazmunyny hakyky wagtda kodlaýar we soňra wideo akymy 8K telewizorda görkezýär.

ORIENT news