Biz ýakynlaşmagy ugur edinýäris

"Olimpiada – 2024"-iň öňi syrasynda Parižde Merkezi Aziýa ýurtlarynyň Milli Olimpiýa Komitetleriniň wekilleriniň ýygnagy geçirildi. Duşuşyga Aziýanyň Olimpiýa Geňeşiniň Merkezi Aziýa sebiti döwleriniň ýagny Owganystan, Eýran, Gazagystan, Gyrgyzystan, Täjigistan, Türkmenistan we Özbegistan ýaly döwletleriniň MOK-nyň prezidentleri we baş sekretarlary gatnaşdylar.

Türkmenistandan Milli olimpiýa komitetiniň Baş sekretary Ata Akmämmedow we Bedenterbiýe we sport baradaky döwlet komitetiniň başlygy Allaberdi Saparow gatnaşdy.

Çäräniň dowamynda sebitdäki özara gatnaşyklar bilen baglanyşykly meseleler ara alnyp maslahatlaşyldy. Duşuşygyň esasy wakalarynyň biri, 2005-nji ýyldan bäri geçirilmän gelýän Merkezi Aziýa oýunlaryny janlandyrmak meselesi boldy. Hususan-da, ýaryş maksatnamasyndaky sport görnüşlerini 10-12 olimpiýa görnüşine çenli azaltmak, gatnaşyjylaryň ýaş derejesini 14-18 ýaş aralykda girizmek esasy teklipleriň biri boldy. Ýagny bu zatlar milli toparlaryň ýaş türgenleriniň ösmegine mümkinçilik berer.

Halkara Olimpiýa Komitetiniň we AOG-nyň wekilleriniň ikisi hem Merkezi Aziýa ýurtlarynyň başlangyçlaryny, şol sanda Olimpiýa raýdaşlyk maksatnamasynyň çäginde goldaw bermäge taýýardyklaryny belläp, bäşleşigiň düzgünleri boýunça tekliplerini berdiler.

Duşuşyga Halkara Olimpiýa Komitetiniň agzasy we Aziýanyň Olimpiýa Geňeşiniň häzirki prezidenti Raja Randhir Singh, Halkara Olimpiýa Komitetiniň MOK bilen hyzmatdaşlyk, Olimpiýa raýdaşlygy we olimpiýa 365 gatnaşyklary boýunça müdiri Jeýms Makleod, Halkara olimpiýa komitetiniň müdiriniň orunbasary Oliwier Niamki we Aziýa üçin Halkara olimpiýa komitetiniň Olimpiýa raýdaşlygy maksatnamasynyň utgaşdyryjysy Edward Kensington.we halkara sport gurluşlarynyň beýleki ýokary derejeli işgärleri gatnaşdy.

“Çakylyk üçin köp sag boluň. Tutuş sebitiňiziň bir ýere jemlenendigine begenýärin. Bu ýerde, Parižde duşuşmagymyz maňa örän ýakymly boldy. Bir maşgala ýaly bolup, umumy bähbitler üçin bilelikde işleýändigimizi belläp bilerin. Indi häzir siz başlangyç teklipleri öňe sürýärýäňiz - bu maksatlara ýetmegiň ýolunda birleşýär”–diýip Raja Randhir Singh aýtdy. –Ýadyma düşýär, 1995-nji ýylda Özbegistanda ilkinji Merkezi Aziýa oýunlary geçirildi. Onuň taýýarlygyna Halkara Olimpiýa Komiteti gatnaşdy. Şol wagtky uly üstünlik boldy. Bu ýaryşlary janlandyrmak teklibini orta atanyňyza begenýärin. Sebitleýin oýunlary geçirmek gaty möhümdir. Bu, tutuş sebitiň ösüşine goşmaça itergi berýär”.

“Halkara Olimpiýa Komitetiniň Merkezi Aziýada sportuň ösüşine gönükdirilen ähli başlangyçlaryňyzy goldajakdygyna ynanýaryn” – diýip, Aziýa Olimpiýa Geňeşiniň Prezidenti belledi.

“Merkezi Aziýa oýunlaryny geçirmek ýaly başlangyçlaryň duşuşygyň netijesinde durmuşa ornaşdyrylmagy barada karary size karar bermeli. Şeýle-de bolsa, Halkara Olimpiýa Komitetiniň size we türgenleriňize goldaw berjekdigini ýadyňyzdan çykarmaly dälsiňiz. Olimpiýa raýdaşlygynyň çäklerinde serişdäniň köpelendigini yglan edip bilendigimiz üçin özümizi bagtly saýýarys. Bilşiňiz ýaly, bu serişdeleriň bir bölegi şuňa meňzeş başlangyçlary goldamak üçin hem ulanylyp bilner” diýip HOK direktory Jeýms Makleod belldi we MOK-niň ýolbaşçylaryna Pariždäki Oýunlarda üstünlik arzuw etdi.

Mundan başga-da, ýygnakda Aziýanyň Olimpiýa Geňeşiniň ýakyn wagtda geçiriljek Baş Assambleýasy we geçiriljek şol döwürde geçiriljek saýlawlar ara alnyp maslahatlaşyldy.

Merkezi Aziýa ýurtlarynyň MOK-niň wekilleri şeýle ýygnaklary yzygiderli geçirmäge we sebitde sport hyzmatdaşlygy güýçlendirmek üçin bilelikde işlemäge taýýardygy bellediler.

Indiki gezek Merkezi Aziýanyň sport guramalarynyň ýolbaşçylary sentýabryň ahyrynda Gyrgyzystanda, Yssyk-Kölde duşuşmagy meýilleşdirýärler.

ORIENT news

Foto: olympik.kz